فعلا على رأي بكر الشايب .. انتي محتاجة اصحاب او مجموعة نسوية تقرب منك وتقعد معاكي هتفرق كتير اوي ... حتى ولو كنتي مش حاسة انك محتاجة تقعدي مع حد .. جازفي وجربي يمكن ترتاحي

وغير كدا .. حاولي انك تبتدي واحدة واحدة كل يوم في الاستغفار مش لازم كله في وقت واحد .. يعني ابتدي بالتدريج عشان بعد كدا تلاقي نفسك بتعملي حاجات اتوماتك من غير ماتبقي حاسباها اوي

اقعدي اكتبي كل يوم هتعملي ايه انهاردة ... كطاعة وتزودي في اليوم اللي بعده

كمان بيقولك ان التسوق بيريح النفسية او حتى تعملي اكلة بسيطة وتخرجوا تاكلوها ...

ووووو انك تعملي شعرك اي حاجة بسيطة سشوار او كدا او حتى بدكير او مناكير .. تحطي مناكير ..

حاولي تكلمي واحدة من صحباتك القُدام وعبري عن مشاعرك ... حتى ولو عن طريق النت وكدا

غيري مكان اي حاجة في البيت .. اطلبي من جوزك يجيب وردة واحدة ...

خدي ترمس شاي واشربي في اي حته برة .. تأملي الطبيعة واطلعي في الشمس .. بتفرق اوي

بصي الوقت الصعب ده انتي بتعاني ....وجوزك بيعاني ....حاولوا تقربوا لبعض دي فرصة حلوة .. احسن ماتبعدوا وتطلعوا من التجربة دي برواسب سيئة وشايلين من بعض ...

ربنا يفك كربتك يا رب.. قلبي معاكي

__________________