السلام عليكم و رحمة الله و بركاته ...

غاليتي شكلك اتزوجتي بعمر صغير .. بالاضافة الى غربتك عن اهلك و بوجود طفل

زاد الامور عليك و زاد الضغظ و التوتر ... فاصبحت تكبري من المشاكل الصغيرة ..

حبيبتي مشكلتك ناتجة من عدم تفهمك لطبيعة الرجل و ايضا عدم تفهم زوجك لطبيعتك

كل واحد بدنيا و بس يبي طلباته هو اللي تتلبي و اموره اللي تمشي بغض النظر عن الثاني

انتي تبينه يرجع زي اول ... وهو يبيك تريحي راسه من مزاجيتيك و كلامك معاه عن اهله

نبتدي بالمشكلة الاولى ... انه يرجع زي اول

ياقلبي الرجل يختلف عن المرأة و اتحداك تجيبي لي رجل بعد سنتين زواج لازال يمدح زوجته على الطالعة و النازلة ..

زوجك كم مرة قالك انك حلوة كم مرة مدحك من بداية زواجك .. كم مرة قال احبك و اموت فيك ... اكييد مئاااات المرات

خلاص هو بقرارة نفسه متاكد من انك عارفه بحبه و متاكد انك عارفه انه يراك جميلة و حلوة و يموت فيك .. لانه قالها الالاف

المرات فا ليش يعيد ويزيد .. مايدري انه نحن الحريم ما نشبع من هذا الكلام .. فا نكدك و غضبك و زعلك عليه ماراح يحل

المشكلة بالعكس راح يكرهه فيك .. و يخليه يفكر انك اتغيرتي و صرتي حرمه نكدية ...

لكم سنتين متزوجين و ان شاء الله يارب العمر كله .. اكيد خلال هذه السنتين لبستي له و كشختي له .. و بالتالي

مدحك بمافيه الكفاية .. الحين دخل الروتين و صار عندكم بيبي .. ايش سويتي عشان تجذبيه من جديد ..

ايش عملتي شي جديد يخليه ينبهر و يمدحك و يقولك كلام حلو غصبا عنه ؟؟ مثلا سبتي بنتك عند اهل ابوها او حتى

نومتيها بدري و استقبلتيه بشي جدييد .. عملتي له سهرة حلو على ضو الشموع او الورد اواو ..

هو اتغير صح .. بس اكيد انتي كمان اتغيرتي و صرتي مشغولة اكثر ببنتك .. و هذاا طبيعي

كلنا حبيبتي كدا.. صار الروتين جزء كبير و ماصرنا ندور كلام الغزل ..

اضيفي انه تعبير الرجل للحب يختلف عن المراة . انتي تبينه يقول احبك عشان يثبت حبه لكن هو اثبت حبه بالطرق العملية

مثلا مايلعب بذيله دليل انه يحبك.. يحب بنته و يحب اهلك و يعاملهم بالمعروف دليل حبه لك

ما يضربك ما يشتمك ما يسبك ما يهينك .. يعاملك بما يرضي الله .. طلباتك اوامر .. يصرف عليك .. كل ذها معناه انه يحبك

و يموت عليك ... وهذا بنظره كافي يعني مو محتاج ياكد حبه بالكلام ..

شوفي حبيبتي بعدي الحساسية و خليك معاه صدييقة و حبيبة .. يعني محتاجة تحضنيه لا تستني هو يجي ...

لما تشوفيه جالس عالتلفزيون .. روحي جنبه الصقي فيه و احضنيه قولي له اموووت فيك .. يمكن ما تلاقي رد اول مره لانه

مو متعود .. و يقول في نفسه اكييد وراها طلب .. عادي طنشي ة استمتعي بحضنه .. يكون واقف قومي احضنيه من

وراء و اسمعيه كلام حلو .. يكون ممدد .. اندفسي جنبه .. و خليك بشوشة .. لغاية ما يتعود و يصير لحاله كل شوي

يجي يحضنك .. بس انتقي الاوقات المناسبة .. مو يكون نرفز و متخانق مع حد تجي انتي و تحضنيه .. لااا انتبهي .. بس

لما يكون رايق ..

حابه تسمعي كلام حلو .. اسحبيه .. والله ياختي زوجي مثل زوجك .. بس لما امل ارجع اساله تحبني يقول ايوه

اقوله قول والله..يرجع يقول والله .. اقوله قل اقسم بالله يرجع يضحك ..

اذا طلب مني شي .. اقوله قول حبيبتي و اانا بروح اجيبه يقول حبيبتي .. اقوله لا قولها من قلبك .. ارجع اقوله لا لا

ما عجبتني مافيها احساس .. لغاية مايضحك و يقولها ... و صار يقولها الحين بدون ما اقوله ..

فهمتي قصدي من هذه الامثلة .. عيشي حياتك و لا تنكدي على نفسك و عليه .. اذا تبي شي خذيه بذكاء


ساعة بضحك و ساعة فرفشة وو ساعة رومانسية ,.

لكن ان قعدتي على طبعك هذا صدقيني بيمل .. اكره ما على الزوج النكد و المزاجية ..


نيجي لمشكلة زوجك معك و هي المزاجية و الكلام عن الاهل ..

صراحة ياقلبي زوجك معاه حق .. اخص شي المزاجية .. اتخيلي لو هو كدا و كل شوي بحال ... اذا كنتي زعلانه منه لانه

مايقول كلام حلو زي اول .. طيب هو ايش يقول بداخله و هو يشوفك يوم زي العسل و اليوم الثاني تقلبي عليه و هو مش

داري السبب ..

و موضوع الاهل .. كمان معاه حق ... الحين لما تشتكي له .. ايش بيسوي ..يروح لاهله و يسبهم ؟؟ لا بس لاوم يتحمل و

يسمعك .. و الرجال اخص ما على قلوبهم الشكوى ... يحبوا يسمعوا كلام حلو و ضحك وو ناسة ,, مايبوا مشاكل ... خاصة

و انه مايقدر يعمل شي لهم .. باختصاار .. طنشي اهله .. و اذا حابة تفضفضي امسكي التلفون و اتصلي باختك و

فضفضي لين الصبح ..

ابعدي المزاجية عن حياتك حبيبتي و انتبهي على نفسك .. دلعي نفسك و زوجك و ابعدي الهم عن قاموسك ..

الحياة قصيرة مو مستاهلة نعيشها بنكد و غم ...

شوفي ايجابيات زوجك و ركزي عليها .. و قبل ما تفكري في سلبياته و مدى تغيره .. فكري بسلبياتك و هل تغيرتي انتي؟

وايش يفكر هو عنك ؟؟ تظنيه مبسوط ؟؟؟

الله يوفقك حبيبتي و اعذريني على الاطالة .. لكن اعتبرك اختي وماودي تخربي حياتك و تبدي المشاكل لسبب بسيط كلنا

نعاني منه ... و اخيرا اكرر عليك .. مافي رجاال على وجه الارض يمدح زوجته على االرايحة و الجااية بعد فترة من الزواج

ولو في اعرفي انه وراه شي


الله يحفظ لك بنتك وو تشوفيها عروسة و يرزقك اخ لها عن قريب

اهم شي انه يحبك ياعملك بما يرضي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله