السلام عليكم ورحمه الله وبركاته
جزاكم
الله جميعا ألف خير - وربي يحفظكم ويستر عليكم جميعا - وبإذن الله انا من قبل اكتب الموضوع بأسبوع منقطه عنه وللأن ما بيني وبينه اتصال واسأل الله ان يثبتني
العضو مضاوي16 اولا جزاك الله كل خير على نصيحتك -بس اسمحيلي أسلوبك ربي يحفظك يعني مو اسلوب نصح رغم إني اعرف اني أخطأت اسأل الله التوبه والمغفره -وعلى فكره إذا ربي مو كاتبلي اولاد فما حجيب اولاد ولو اتزوجت بعمر ال17 - ثانيا الحمد لله العريس لو كان ليا نصيب فيه لا هو معدد ولا شايب والحمد لله وثم لو كان نصيبي شايب او معدد فهو نصيب حتى لو كنت بنت 20 وما قد عرفت احد في حياتي وتراه مو عيب المهم يكون طيب ويخاف الله فيا - وثالثا وانا هنا ما بقول انه شي صح انا عارفه اني مخطئه جدا وربي يرحمني من ذنبي - بس ترا أغلب البنات الأيام هذه إلا من رحم ربي بيعرفوا أولاد فالشاب إلي بيضحك على وحده ويسيبها ويروح يتزوج الشريفه العفيفه علشان احسن من( الوحده إلي ما تعرف تربي بنات ) في الغالب حيتزوج وحده كانت تعرف واحد غيره وضحك عليها وسابها -بس هو ما يعرف ونايم في العسل - ربك عزيز ذو انتقام
أنا هنا ما ببرر أبدا فعلتي وانا اعرف اني مذنبه اسأل الله الهدايه والتوبه والثبات - لكن جوابك شوي مستفز وانصحك ومعليش اقبلي نصيحه وحده مو متربيه ولا تعرف تربي بس ماشي الحال لا تستخدمي هذا الأسلوب في النصح لإنه اسلوب ممكن يجيب نتيجه عكسيه - وبرضو جزاءك الله كل خير وجعله في ميزان حسناتك وورزقك الجنه والذريه الصالحه و جنبك وأولادك الشيطان
واسفه لو كلامي كان في خطأ أو مو مناسب اتمنى تعذروا نفسيتي وادعولي بالهدايه والثبات جزاكم الله كل خير