أختي

من ردودك على الأعضاء ، تبغي الكل يقول معاك حق و إنه زوجك غلطان
و لو استمريتي على أسلوبك الحالي مع زوجك ، فما راح تستمري معاه و لا مع غيره

هذا عن الأسلوب و تقولي أصلا من بداية الزواج متحملة أمور عديدة و ساكتة
و هذا طبع حواء بشكل عام ، ناكرة للعشير

بأقول بشكل عام ، يعني الشيطان يجي و يقول تحملتي و صبرتي ووو إلخ
و تنسى الأيام الحلوة

يعني الرجال قدام عينك باع سيارته و مابقيت معاه فلوس
و مع كذا بيعطيك مصروف ، و أكيد مصروفك و مصروف ولدك بتصرفيه على ملابس و مكياج و كماليات
و إلى آخره

و في الأخير طلب مساعدتك و وقوفك معاه
( تبغيه يروح يسرق ؟؟؟؟؟؟؟؟ و لا يرتشي ؟؟؟؟؟ و لا إيش بالضبط ؟؟؟؟؟؟؟؟؟؟؟ )

كيف لو كان طالب راتبك ؟؟؟؟؟؟؟؟؟؟؟؟

الصراحة ، زوجك رجال و النعم فيه و التهديد اللي قاله ،
قاله لك عشان ( يختبرك ) و يشوف معدنك ؟؟؟؟؟؟؟؟؟؟؟؟؟؟؟؟؟

بيشوف زوجته بتوقف معاه في أزمته و لا مستعدة تتخلى عنه بسهولة و ما تتخلى عن مصروفها
( هذا هو سبب كلامه و تصرفه ، فلا تخليها حجة عشان تتمسكي بمصروفك و تعملي فيها زعل و مادري إيش )


و من ردك الثاني ، إنك تقولي متى بيسددها لي ؟ بعد 4 أو 5 سنوات
يتضح لي و لأغلب الأعضاء ، بإنه تفكيرك مادي جدا و تقبلي ارآئنا بصدر رحب
و يا بخت من بكاني و بكى علي و لا مين ضحكني و ضحك الناس علي

1 - تحبي الفلوس

2 - ما عندك روح للتضحية ، و خاصة إنك شايفته قدام عينك كيف تبهدل المسكين

3 - راسك يابس و لازم تتعلمي المرونة

4 - قلبك قاسي و الدليل إنك حملتيه الغلط فقط و ما طالعتي للجانب الآخر و ما حطيتي له أعذار و لا أعطيتيه كلمة حلوة تسانده و تعينه على مصاعب الحياة ، يعني فوق ماهو مهموم زودتي عليه الهموم

5 - أنانية في التفكير ، و حب الذات ، و الدليل إنك رايحة تشتري غرض أو شغلة معينة
و المسكين يكدح طوال الشهر و يتعب و ما يتهنى بقرش ، كلها تروح على المصاريف ، و بدل ما كنتي رحتي معاه عشان تشتروا الشغلة هذه ، كنت قلتي له وفر فلوسك حياتي و يدي على يدك و نسدد الديون سواء ، و هذا مصروفي مو مشكلة لو نقصت منه على الأقل بس تعدي الفترة هذه

كويس و حلو منه ، إنه قال لك و سألك ، هو دامه موفر لك سكن و أكل
فليس مجبر بإعطائك مصروف

و لو تركتي بيتك ترى ماحد خسران غيرك و هو بيلقى مليون وحدة تقبل فيه و يمكن بعد يلاقي له طبيبة أو موظفة و تعطيه كل راتبها