المشاركة الأصلية كتبت بواسطة لولو الكبيره

السلام عليكم
بطرح عليكم مشكلتي على طول
انا اليوم طلعت مع زوجي نشتري شغله واحنا بالطريق قال ليه ماتتنازلين عن نصف مصروفك وانا اعوضك بعدين قلت لا اسمحلي بعدين مو من كثر المصروف عشان اتنازل عن نصه وانا عندي طفل يعني المصروف لنا كلنا
المهم قعد يتكلم عن الاجار وانه وشلون يوفر قيمته ومن هالكلام لانه المره الللي طافت باع سيارته وسدد الاجار والباقي اشترى فيه سياره على قده يعني مايقدر يبيعها لانها ماراح تجيبله شي
المهم انا قلتله اخر مره كان بحسابك كذا وكذا قال والله العظيم ماباقي منها غير 2000ريال قلت وين راحوو قال انا مثلك ماادري
طبعآ كل هالكلام وحنا بالسياره بعدين قال انا اشوف ااننا ننفصل احسن قبل لايصير عندنا ولدين او 3 ونتوهق
قلت خلاص كلم ابوي وقله هالكلام قال لا مايحتاج اوديك من غير مااكلمه وورقتك توصلك قلت اوكي قال يالله انزلي وخذي اغراضك انا استناك برا ودخلت واجمع الاساسيات بعدين دخل قال انتي انسانه ماديه ماتهمك غير الفلوس؟؟؟؟؟؟؟؟؟؟؟؟؟؟؟؟ الحين هو قايلي بطلقك وروحي لاهلك والله يوفقك بواحد ثاني
انا حسيت انه مريض او فيه حاله نفسيه لانه متناقض
بعدين جاني وقال لا ماتروحين الدنيا ماتسوى من غيرك؟؟؟؟؟؟؟ قلت لا يابابا انا ماني لعبه عندك مره روحي مره تعالي
قال اجل البسي عباتك وانا لابستها يوم جيت اطلع قال والله ماتروحين والفلوس ان شاء الله بتتدبر
واخذ الاغراض من يدي بالغصب
وقعدت
بس للحين افكر بتصرفاته احس انه مو طبيعي وانا عارفه انها ماراح تكون اخر مره اذا قرب الاجار اكيد بيسوس نفس السالفه
وللعلم ابوي مسافر وماودي اكدر خاطره
لكن من جد انا محتاااااااااااااااااااااااااااااااره من بداية زواجي وانا مو مرتاحه وبس اجامل على حساب نفسي والحين شسوي وش الحل ابي موقف ابي فعل يخليه هو الغلطان واكيد هو الغلطان باللي سواه اليوم لكن انا ماعندي استعداد تصير حياتي كذا
وش اسوووووووووووووووووووووووي والله مليت
وابوي من النوع اللي مايتفهم يعني يحط الحق عليك الا فيما ندر