هلا بالحلوة ناني

شوفي ياقمر انا راح افيدك بتجربتي انا وامي واخواتي

الكيراتين معالج وليس فرد للشعر

يعني ممكن اي وحدة تسويه حتى لو كان شعرها ناااعم لكنه متضرر

النتيجة تكون حسب نوع الشعر

وحدة من اخواتي شعرها ناعم لكنه كيرلي لما سوته خفت التجاعيد وخفت النفشة وصارت لما تستشوره يصير ساااايح

والثانية شعرها مجعد ولما سوته صار كيرلي وصارت لما تستشوره حلو لكن لازم بعد الاستشوار تعمله سيراميك وبكذه يصير شعرها ساااايح

اما امي الحبيبة فشعرها احلى شي سوته المرة الاولى صار شعرها حلو مع الاستشوار يصير سايح

سوته مرة ثانية صار شعرها كانه ناعم من غير استشوار يعني الله يكرمك تخرج من الحمام تخليه ينشف ويصير من احلى مايكون

فيه معلومة ثانية انه الشعر اذا كان مجعد وسويتيه المرة الاولى راح يصير كيرلي

سويه مرة ثانية راح يصير انعم من الاولى

لو سويتيه المرة الثالثة يصير واااو

وفيه معلومة ثالثة انه الشعر الجديد اللي يطلع يكون نفس طبيعة شعرك الاولى بس للامانة اخف خشونة من السابق واسهل في الاستشوار

المعلومة الاخيرة السعر يوصل 4000 الاف ريال اقل او اكثر حسب ما شعرك يسحب من المادة

امممم ايش كمان

لون شعرك يفتح درجة او درجتين مع الكيراتين

انا شعري اسوأ شعر وعشان كذه قررت اسويه كل 6 شهور كاني اعمل فرد عادي ومتأملة خير باذن الله بعد كم جلسه انه يصير ناعم خلي الامل في الله كبير

اهم شي ياحلوة لما تروحي تعمليه تتأكدي منهم وتخليهم يوروك الشهادة المرخصة من وزارة الصحة

لانه فيه كيراتين والعياذ بالله عبارة عن مادة مسرطنة فانتبهي

اما الخطوات فهي كالتالي :

1. تغسل شعرك بشامبو خاص يشيل كل الموجود في شعرك من اثر الزيوت والكريمات ... الخ

2. تتشف شعرك بهوا الاستشوار

3. تبدأ في وضع المادة تحط شوية في الجذور بالفرشاة بعدين تمشطها بالمشط عشان تروح لباقي الشعر

4. تبدأ تستشور شعرك وفي هذه المرحلة ضروري تلبسي كمامة وتغمضي عيونك

5. تعمل لك هو بالسيراميم مرتين او ثلاثة حسب حاجة شعرك

6. تخليه لمدة اسبوع وتعيدي عليه بالسيراميك كل يوم لنتيجة افضل

بعد اسبوع تغسليه بشامبو خاص او جونسون للاطفال

وتتعملي معاه عادي لكن لا زيوت لا خلطات ولا شي

واي سؤال انا حاضرة