هلا فيك يا قلبي

شوفي هو مووو فرد هو فقط معالج

يعني شعرك يظل على طبيعته بس انه يتحسن ويصير اسهل في التسريح والاستشوار

طبعا يمديك تعملي كيرلي وكل اللي نفسك فيه شعرك هو هو ماراح يتغير

اللهم انه يصير ملمسه انعم وتخف النفشة اللي فيه ويصير يلمع

هو الكيراتين اصلا عبارة عن مادة موجودة في شعر الانسان

مع الوقت وعوامل الجو والتغييرات اللي تحصل له تقل هذه المادة

فهم اخترعوا مادة شبيهة بالكيراتين الطبيعي

يحطوها عالشعر ويرجع زي زمان قبل الصبغ والبهدلة اللي نسويها فيه

لكن شعرك يظل هو هو

فهمتي ؟

ومشكوووورة على سؤالك ياعسل كثفي الدعاء والله اليوم حالي مو تمام ولسه دوبي مخلصة من نوبة بكاء

الله المستعان وبيده كل شي مابين طرفة عين وانتباهتها يبدل الله من حال الى حال

بس أحب أبشرك الامور احسن من اول لكن مازال املي في الله كبير