ماشاء الله ربي يحميها و يحفظها ...

اكيد كلنا مع الحشمة و الاحترام ....

بس بشكل عام ماحب اعلم الطفل انه يحكم على الاخرين من مظاهرهم

يعني اذا حصلت انسان غير مسلم و يسوي شي غلط ماقول لابني هذا كافر و للنار

و اذا حصلت انسان مسلم يسوي غلط ما اقوله هذا كمان للنار ..

الحكم بالجنة و النار مش من اختصاصنا .. و ياما قصص من زمن الرسول تبين ذلك .. يكفي قصة فتاة الهوى التي سقت هرة فدخلت الجنة ... و هي فتااااة هوى

لكن انا مع تفهيم الطفل انه كل انسان ممكن يخطا لعدة اسباب و اعدد له الاسباب بما يتناسب مع سنه ..

مثلا اذ في بنت لابسه غير محتشم ممكن اقوله انه هذه البنت مثلا لابسة شي غلط و حرررااام

والله مابيحبها لو استمرت كدا بس احنا مانقول الا الله يهديها .. يمكن بكرة تتغير و تصير تلبس احسن ...

اكره تربية الطفل على مبدأ التعصب .. اذا مو معنا معناه انه عدونا ...

الاعتدال مطلوب . انا ما اقصد اختك حبيبتي لكن اتكلم بشكل عام ...

مثلا عندي ولد خالي عايش هنا بالغربة عمره 8 سنوات .. و ابوه كثير متشدد ..

كل ماشاف اجنبي قال كافر و لا يكلمه و لا يعبره . طيب مانت عايش بينهم
الاانسان مراة لدينه .. اذا كنت قاسي القلب و بس تمشي تصدر احكام هذا للجنة و هذا للنار طبيعي الناس بتفر منك و من دينك

لكن لما تكون ودود و لين و تعاملهم بالحسنى و تبين محاسنن دينك .. الناس بتنجذب لك و تحاول تتتعلم اكثر عن هذا الدين ..

بالنسبة للسؤال الاخير .. اشوف مو بس الاطفال اتاثروا حتى الكبار .. اتذكر زمان اذات شفنا وحدة لابسة بدون اكمام في حفلة او في التلفزيون .. نشهق و عييب و يالله ما تستحي
الحين اللي لابسه بدون اكمام نشوفها محترمة مقارنة بغيرها ..

الله يكمل اختك بعقلها ياارب و يحميها من كل شر
و يحمي بناتنا و اولادنا يااارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله