اقتباس:
المشاركة الأصلية كتبت بواسطة روعة المعنى
حبيبتي شيهانة ..
من ناحية الاحتمال .. فاكيد زي ماقلتي كل الرجال
ممكن يتزوجون على حريمهم .. ولكن من حيث قرب الاحتمال
يختلف !!
لكن المطلقين نوعين .. في مطلقين طلقو زوجاتهم عن قناعة كاملة
وهذولي بما ان طلاقهم كان عن قناعة كاملة معناه الواحد قادر يستغني
معنويا وعاطفيا عن وجود زوجته بحياته .. هذولي ما منهم خوف.. وما راح
اتكلم عنهم .. خليني اتكلم عن المطلقين .. الي طلقو زوجاتهم
من غير قناعة كاملة بمعنى تطلقو وهم مازالو يحبون طليقاتهم ..
وهم نسبة لا باس بها ..
من الفئة الثانية : احتمال رجوع المطلق لزوجته السابقة .. اكبر من احتمال زواج المتزوج
على زوجته خصوصا لو المتزوج مرتاح مع زوجته (حالات زواج المتزوج على زوجته
حتى لو مرتاح معها هذي ماراح اناقشها موضوع ثاني فضلا عن انها
ماهي كثير )
طيب ليش
احتمال رجوع المطلق لزوجته السابقة .. اكبر من احتمال زواج المتزوج
على زوجته ؟؟؟
1 - المطلق جرب العيشة مع امراة حبها وطلقها من غير قناعة زي ما ذكرت .. المتزوج ماجرب العيشة مع زوجة ثانية مما يجعل المتزوج ما يشفق علي شي هوماجربه على الواقع بحلوه ومرة .. خصوصا لو مرتاح مع زوجته
2 - الاعزب يتقدم للزواج رغبة ببناء حياة زوجية جديدة وحلوة (في اغلب الحالات )
ولكن المطلق يتقدم للزواج مرة ثانية .. مو عشان يبني حياة جديدة
ويستفيد من اغلاطه .. ولكن عشان اهداف لا تخفى على احد ... اما عشان يحر
طليقته .. او يحاول ينساها .. او يحاول يشوف حياته كيف بتكون بدونها
والي بياكلها بالاخير من ؟؟ انا يالبنت الي قبلت الزواج به
3 - الاعزب تقدر البنت بحنانها وذوقها تملا عليه حياته كلها ..فما يفكر بغيرها
خصوصا لو كان من الرجال الي يقدرون الي بيديهم وما يفرطون فيه ..
بينما المطلق فلانه تقدم للزواج للاهداف المذكورة بالنقطة الثانية.. فمهما تسوي البنت ماتملا عينه لان باله مع طليقته الي لا زال يحبها ..
الاسوا من هذا كله ..
الطامة الكبري من وجهة نظري ووجهة نظر ابلة جوج و شو ؟؟
انا يالبنت الي يجيني واحد من هذولا .. ماعندي طريقة اقدر اتاكد
فيها .. هل طلقها عن اقتناع او لا .. وهل لا زال يفكر فيها او لا ..
مما يعني انه راح يستخدمني كوسيلة عشان يختبر نفسه يقدر
يعيش من غيرها ويمشي حاله فيني ولا لا !!
اكتشفت ان البعض من الشباب والبنات يتخذون
الطلاق من غير قناعة .. ويتطلقون مو عن رغبة فعلية بفراق الشريك
ولكن رغبة بتجربة الحياة بدونه .. وعشان يجربون انفسهم يقدرون يعيشون
بدونه ولا لا !!! وهذا يعكس قلة حكمة من جهتهم ..
انا فعلا لو لا قدر الله كنت مكان البنت الي حصل لها هالشي
بقول الحمد لله على ماقضى الله واللهم اجرني في مصيبتي واخلف
لي خيرا منها .. ولكن هذا ما يعني رفع الخطا عن بعض اشباه الرجال
الي مافيهم من الصبر التروي القدر الي يخليهم يتمسكون بحريمهم
ولا يوصلون للطلاق (على فرض انهم يحبونهم ) ولا حتى فيهم لو ذرة
من الحكمة تخليهم لو طلقو حريمهم .. يراجعون انفسهم ويرتبون امورهم
ويرجعون لهم بكل ود وصفاء نية .. على طول الواحد يحل اخطاءه
مع طليقته .. بالزواج من ثانية
بعذر البنات لا صارو يخافون من الزواج من
مطلق
مسالة اني ما اشغل نفسي اذا زوجي يفكر بطليقته .. ممكن اسويها (على فرض انها ماهي ثقيلة على قلبي ) اذا الموضوع ما تجاوز حدود التفكير .. ولكن توصل انه يفكر يرجعها !
يا ترى ليش بعض المطلقين مايفكر يرجع زوجته الاولى الا بعد الزواج بثانية ؟؟
|
شكراً على مشاركتك وانا طرحت نفس تساؤلاتك بس ترى رد الاخت شيهانة جميل جداً اذا تزوجت مطلق ومارجعها خلاص مو لازم افكر وش يدور في رأسه احاول اتجاهله والله يسعدنا جميعاً..
__________________
((رب اجعلني مباركا حيثما كنت.))
