اقتباس:
المشاركة الأصلية كتبت بواسطة brdoos
سوء الاختيار واللى طبعا اهلنا هم يختارون ( والله حلوه ) انا ما ابى حلوه ابى وحده فاهمه تعرف كيف تدير بيتها
|
هذي النقطة بالذات انا دائماً اركز عليها في ردودي على الأخوان أن الجمال راح تتعود عليه
يبقى التعامل وحسن العشرة والاحتواء
لكن لا حياة لمن تنادي ..
وانتوا الشباب بالذات أغلبكم .. أغلبكم .. ما تدركون هالنقطة المهمة إلا بعد ما يطيح الفاس بالراس
وتتزوجون وتروح السكرة وتجي الفكرة وتشوفون ان
التعامل وطريقة الحياة مع زوجة فاهمه اهم من وحدة قمة في الجمال تكون اريح واجلب للسعادة والاستقرار
والغلط الثاني الي للحين انت مو مدركة تفكيرك الدائم بالثانية لأن الأولى ما ضبطت
ايش الغلط .. الغلط ان ما عندك صبر .. الغلط انك سلبي واسفة على الكلمة بس انت
ما تبي تبذل اي مجهود عشان تصلح وضعك وحياتك وزوجتك مع انكم لسه جداد
وفي أمل بنسبة كبيرة زوجتك تتفهمك
في كلمة ابي اقولها ويسامحوني اخواني الرجال
أن أغلب الرجال عندنا يبون الشي جاهز ما يبون يبذلون اي مجهود عشان يصلحون اوضاعهم
يبغون زوجة مرسومة على القد وتعمل كل يبونه
من غير تفهم ان هذي انسانة لها طبايعها وتربيتها المختلفه والي نحتاج لوقت ومجهود وصبر عشان نتأقلم ونكون واحد
وهذي النقطة بالذات هي سبب تفكير الرجال بالثانية دائماً على بالهم في يوم من الايام بيشوفون زوجة جاهزة مثل الي في خيالهم بدون بذل اي مجهود وبدون تقديم اي تنازلات
وانا اقولها بالفم المليان ما في بنت كاملة و مافي رجل كامل
__________________
..كالاطفال نحلم إننا ننام على سحاابة بيضاء يعطرناا المطر ..