أمممم شوفي أنا ماأشوفها فكرة سيئة
لأن في ناس غير احتماعيين أو مالهم أحد يدلهم على الناس الطيبين
يعني في رجال يكونون مالهم أخوات وأمهاتهم متوفين أو مرضى وما يقدرون يدورون لهم عرايس..
وفي بنات أهلهم حابسينهم ولا يحضرون مناسبات أو يختلطون بالناس
وفي ناس عندها أقارب وأصحاب كثير لكن شروطهم ما تتوفر في اللي يعرفونهم
وبرضه في ناس ساكنين او متوظفين في غير مناطقهم الأصلية وما يعرفون يوصلون للبيوت ويخطبون ..
فالمشروع انا اشوفه انه يسهل التعرف على الشريك المطلوب بالمواصفات المرغوبة بسرية وبدون أحراج
وأعتقد ان اسم الشيخ بن باز الله يرحمه ودعم الدولة للمشروع تعطيه مصداقية و ثقة وما أعتقد في ناس بتشك انه لعب واستهتار أو زي شغل مواقع الزواج اللي اعتبرها جميعها مشبوهة لسبب أو لآخر ..
عموما الناس حاليا وأنا من ضمنهم مو مقتنعين بالفكرة لكن مع الوقت أتوفع انه بيصير من أبرز الطرق للزواج حاله حال الجوال والتلفون والدشوش اللي كانت من المحرمات والعار في البداية ومع الوقت صارت في كل بيت
وكل شي له محاسن ومساوئ والعبرة بطريقة استخدامنا لما حولنا إذا استغليناه في الخير أو للشر
الله يرزقك ويرزقني وبنات المسلمين كافه الازواج الصالحين يارب
__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم