شوفي .. أنتي مشاكلك تنقسم لقسمين
مشكلات رئيسية
مشكللات فرعية
وعشان تحلين المشاكل تحتاجين تكونين صبورة وطويلة بال ووسيعة صدر
بإضافة إلى القافة والعلم ..
يمكن الدورات علمتك كيف تتعاملين مع الرجل بشكل عام .. أو مع الرجل المستقيم الطبيعي
بس ما علمتك كيف تتعاملين مع عيوب أو سقطات الرجل .. او الرجل الذي يعمل شي من المحرمات
مشكلاتك الرئيسية هي ( العادة السرية والأفلام الاباحية )
هذي على رأس القائمة ومفتاح لحل كثير من مشاكلك
وعشان تحليها ضروري تجلسين معاه بهدوء وبدون بكي وبدون حساسية خليك قوية
وفي نفس الوقت خلي عندك ثقة انك راح تتجاوزينها ..
وتعالي له من جهة الدين .. قولي له ان هذي الاشياء حرام وأن الله ما يرضى فيها
وأن الي يعمل هذي الاشياء معذب في نار جهنم .. لا تخلي الشيطان يلعب فيك ويضحك عليك
هو يبغي يضلك .. يبغي يطلعك من الدنيا وانت عاصي الله لأن الشيطان متوعد ابن آدم من اول ما أمر الله بالسجود له
(قَالَ فَبِمَا أَغْوَيْتَنِي لَأَقْعُدَنَّ لَهُمْ صِرَاطَكَ الْمُسْتَقِيمَ (16) ثُمَّ لَآَتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ
وَلَا تَجِدُ أَكْثَرَهُمْ شَاكِرِينَ (17))
ليش نخليه يغلبنا ويضحك علينا ... ليش نخلي نفسنا في موضع غضب رب العالمين
بكرة عيونا وايدينا وارجلنا تشهد علينا ... ضروري احنا الأوادم نستحي من الله الي ينزل علينا نعمه ليل نهار
واحنا نقابل نعمه بالمعصية بدل الشكر ..
خلاص نعمة الزواج عطانا الله اياها .. معناها كل واحد يفرغ شهوته في الثاني ويطلب من الثاني الي يبيه
اذا كان الله يغضب من غير المتزوج الي يعمل كذا .. اجل شلون الي انعم عليه بالزواج وأتم عليه الحجة
ترى مالك حجة عند رب العالمين ... الله بيقول عطيتك كل شي ليش تعصي ؟؟
ايش بتجاوب الله بكرة إذا قالك ليش تعمل هذا وهذا وانت عندك زوجة
ايش حجتك ؟؟
الانسان ما يدي متى يموت .. ماحد عنده موعد لوقت رحيلة
وضرروي نحرص ان احنا نطلع من الدنيا والله راضي عنه ولا نطلع بسواد وجه
ضروري نقاوم الشيطان لأن احنا اقوى منه والله بيساعدنا عليه بس نتعوذ منه ونتكل على الله ونبدأ
قولي له انك مستعدة انك تساعدينه أنه يترك الأفلام الاباحية والعادة السرية
سأليه ليش تحب تطالع هالاشياء .. إذا كانت عادة قاومها وتعال حق حلالك
واذا كان ناقصك شي قلي وانا أعمل الي تبيه ..
خلك جريئة واعملي اي شيء .. غذا شفتيه يمارس العادة السرية لا تجلسين تطالعين
لا تخلينه يكمل هو لوحدة ..
اما مشكلاتك الفرعية وهي متطلباتك العاطفية ..
صبري عليها في الوقت الحالي .. وبس تنحل المشاكل الرئيسية راح تنحل هذي
أهم شي بطلي تطلبين منه عواطف .. بطلي تركضين وراه لهذا الشي
بطلي تتزينين له عشان علاقة .. وبطلي حساسية وبكي
لأنه الحين يشوفك نكدية وتبكين بدون داعي .. لأنه مش عارف انك مضغوطة من الداخل
خففي الضغط عنك بثقتك بالله
لا تنسين الدعاء لزوجك أن الله يبعده عن الحرام وخاصة في جوف الليل وبعد كل صلاة
لا تنسين الاستغفار بنية صلاح زوجك
لا تنسين الصدقة بنية الصلاح
__________________
..كالاطفال نحلم إننا ننام على سحاابة بيضاء يعطرناا المطر ..