اقتباس:
المشاركة الأصلية كتبت بواسطة باريسا
أنا قريت موضوعك من أول ما نزل .. بس ما رديت لأني كنت منقهرة على أختك
ادري والله ....انت الصديق .. الصدوق...
يعني لو أختك مسوية نص الي سواه زوجها كان من زمااااااااااان مطلقها
تدرين بعد من صوبهم غفور رحيم ومن صوب غيرهم شديد العقاب
بس تدرين أختك غلطانة .. ايه نعم غلطانه
واااايد ... واااايد ...
الغلط راكبها من راسها لغايت ارجولها ...
وإلا كان من شافته بخيل ويقصر معاها زعلت وجات عندكم
من شافت هذي مشيته كان وقفت ماجابت هالعيال منه
من شافته يضرب .. كان قالت بس وخبرت اهلك
مو تسكت له .. هالنوعية من الناس ما ينفع معاهم الطيب ولا النصيحة
ما ينفع معاهم إلا القوة ..
توقعت انه ينفع معه الطيب ..وراح يبين بعينه ....
دائماً حطي عندك قاعدة الي يحرص على المناصب والصيت يخاف من كلام الناس
عشان كذا اختك غلطت لما مهدت له لأخطاءه .. يعني ايش تبين واحد مثله يعمل
يضربها وساكته .. يخربط وموسيه غافله .. يبخل و تصرف من عندها
السكوت علامة الرضى .. هي عطته الاشارة الخضرا للأستمرار في ظلمها
شوفي بقولك على سالفة فلم شفته من زمان
طبعاً فلم أجنبي ... من ضمن أحداثه أن واحد دائما يقوم باغتصاب وحدة معينه
وكانت هي تتضايق وتصرخ وتبكي .. وكل مرة يعمل نفس الشي
تدرين ليش قال لها
قال لها : لو ما كنتي مستمتعة بهالشي ما سكتي !!!
ويييييييع ....... الله يهديج ...!!!!!!!!!!!!!!!!
وهو نفس الكلمة الي قالها زوج أختك لأختك .. ( لو ما كنتي تحبيني ما جبتي مني عيال )
رغم كل الي يعمله معك تحبين وتموتين فيه وتجيبين عيال منه وزيادة نايمة على اذانها
بمعنى إن اذا أحد يظلمك وتسكتين عليه .. شنو معناها ... معاها
يا أنك راضية بالي يسويه أو أنك ضعيفه وما تقدرين تاخذين حقك
والله كلامك كله .....صح ...
مو كل الرجال اوادم ومتربين .. في رجال ماشاء الله عليهم .. تحسينهم صحيح رجال
يقومون بواجباتهم ويعطفون على الزوجة من غير ما تطلب منهم .. تحسين قلوبهم نظيفه
لكن في رجال لو ايش تعملين ما يطلع بعينهم .. غذا صرتي طيبة قالو ضعيفه .. (( خبله ))
ورجال ما ينفع معاهم إلا توقفين لهم بالمرصاد عشان ما يتساهلون
أختك الله يهداها رزته وخلت سمعته انه متزوج وعنده بيت وعيال ومستقر .. ونافخ عمره
أختي ...تربية حريم قبل ....من كثر ما كانت تحب امي ...كانت تسمع كلام أمي ...اقولج عن امي الله
يرحمها ... تقول : المره اذا كلمها زوجها .. او هاوشها عينها بارض ...ما تتكلم .. والمرة ستر وغطى على
زوجها ..والمرة ترضى بنصيبها ..والمره ..... والمرة .....وأمي كانت تعطيها ما تقصر
عنها .بالفلوس ....وتشتريلها الذهب والساعات وتقول قولي هذا من ابو (( مستر بن )) للناس ..
لكن لو كانت زلزلت استقراره من اول كان يمكن تعدل معاها .. ولو طلقها وخذ زوجة ثانية بعد راح توصل
لنفس النتيجة الي وصلت لها أختك ... وراح يوصل لنتيجة .. يبي استقرار لازم يقوم بواجباته
ما يبغي يلعب على كيفه ... لكن في النهاية سمعته رايحه بين الناس
عموماً ما ينفع الكلام الحين ..
الله يسهل أمورها ويجبر كسرها
آميين
وانا والله أتمنى وادعي ربي أن زوجها يتعدل ويراجع نفسه ويحسبها صح
جزاج الله خير ..
عمر الفلوس ما تنحط بمقام الاستقرار
الله يهديهم يا رب ويعوض أختك خير من الضيم الي شافته
|
[COLOR="darkgreen"]بارك الله فيك ...
شاكرة مرورك ...
وفقك الله واسعدك ...
__________________
الفيلم الوثائقي : أحداث الاربعاء 16 - 11 على اليوتيوب