غاليتي الاخوان وفوا وكفوا

ويكون بعلمك ان هالشخص اللي مقطعة حالك علشانه ما درى عنك ولاهي بحياته
احمدي ربك انه ابتلاك بهالصدمة علشان يكفر خيانتك -يكون بعلمك انك راح تنسألين عن كل كلمة كتبتيها له عبر المسن وغيره وكل همسة همستيها عبر الجوال وغيره-وما تمرين به ماهو الا تكفير عن هالاخطاء اللي استمرت خمس سنوات
صدقيني ان اهلك ناس طيبين وربي يحبهم ويحبك معهم اللي طلعك من هالغلطة بهالنتيجة قبل ما تدخلين دهاليز ما تعرفين تطلعين منها واخرتها عار وبئس القرار
اما بالنسبة له صدقيني بيجيه اليوم اللي يندم فيه لانه كل واحد لازم يأخذ جزاه بالدنيا او بالاخرة
و المحظوظ اللي يأخذ جزاه بالدنيا قبل الاخرة لان الاخرة عذابها اليم




يله قومي الحين اصحي وانفضي من قلبك الوهم اللي انت عايشته
واتخيلي ان قلبك زجاجة مليانه غبار ولسانك منفضة كل مايستغفر ينفض الغبار ويطرده لبرا
الزمي الاذكار
ارجعي لربك
تعلمي الخشوع في الصلاة
خلي عنك المسلسلات اللي تصور لنا الحياة بس علاقات حب وغرام
اهتمي بنفسك
ارضي اميمتك وابوك
التفتي لدراستك ولا وظيفتك
الزمي هالدعوة
اللهم ابدل حبي له بحبك واصرف قلبي عن حبه
ان لله وانا اليه راجعون اللهم اجرني في مصيبتي واخلفني خيرا منها

وصدقيني بعد كم سنة بتضحكي من نفسك وكيف شاب قدر يلعب على قلبك ويأخذ حيز من تفكيرك

حل مجرب
كلما زين الشيطان ذكرياته في خاطرك تخيليه بشكل بشع و اربطي صورته برائحة كريهه حتى تنفر نفسك منه

مااطول عليك بطلع الحين

__________________

	أستودعت الله نفسي وزوجي وذريتي وأهلي في ديننا ومالنا وخواتيم أعمالنا اللهم حصن بيتي من أوله لأخره ومن أعلاه لأسفله اللهم أبعد عنه الحرام بأنواعه وأجعل لنا فيه سعاده في ديننا ودنيانا وصلى الله على سيدنا محمد)