شيهانه انتي من الأعضاء الي دايما في بالي((الله يحفظلك أولادك ويعوض صبرك خير دنيا وآخره))نرجع للموضوع يمكن رأيي ووجهة نظري ماراح تعجبك أو تعجب الكثير لكن أنا شخصيا ضد التشدد والأشخاص الي معظم حياتهم ترديد لكلمة حراام ومايجوز والحياه عندهم كلها منكرات وأمور تنافي كمال التوحيد,,أنا وسطيه قد يكون في حياتي بعض المعاصي أسأل الله لي ولذريتي الهدايه والخاتمه الحسنه..بالنسبه لتدخل الآخرين مثل ماذكرتي في موقفك مع بنتك أنا أرى انه مايعتبر تدخل لأن أختك صغيره وكانت تتكلم عن قناعتها والفتوى الي وافقت هواها وأعتقد اذا بنربّي أولادنا ونبي نغرس فيهم أحكام واضحه ومباديء وقيم ثابته لازم نعطيهم فرصه للاختلاف مع الآخر ونعدّهم لمثل هالمواقف للتأكد من قوة تصديقهم وعملهم بما يعتقدون,,يعني بنتك صح ولا أقدر أغالطها حتى لو ماكنت ملتزمه لكن نمي عندها ثقه بصحة موقفها ووضوح الأدله الشرعيه الي تحرم الأغاني عن طريق مواجهة ومناقشة من ينكر ذلك,,أما رأيي فيما كتبتي باللون الأحمر أنا أرى انه تدخل ممكن الي قدامي يوجهني وينصحني بالحسنى وأنا أتقبل من الي ينصحني اذا كان قصده النصح والخوف علي أما اذا كان الكلام لوم وتقريع وتقليل من شخصي بعدم خوفي من الله لأرتكابي بعض المعاصي فأنا أعتبر هذا تدخل أولا بما بيني وبين رب العالمين وثانيا بأسلوب حياتي,, وسبحان الله النوعيه هذي الي تدعي انها ناصحه وكل قصدها التذكير بوجوب الالتزام وتقوى الله ربي يبلاها وتلاقينها بعد فتره تفعل ماكانت تنهى عنه,,لا والي يقهر اذا ذكرتيها حوّرت كلامها وطلّعت لها حكم شرعي من بنات أفكارها,,باختصار المسأله عندي تصنّف على انها تدخل من عدمه على حسب أسلوب الي أمامي وطريقة توجيهه,,الحرام حرام ولا أقدر أفاصل أو أغالط في حكم شرعي والدين النصيحه ولو انعدم التناصح والأمر بالمعروف والنهي عن المنكر في أمة محمد سنهلك كما هلك من هم قبلنا من الأمم,,لكن الفكره بالطريقه الي ننصح فيها والمعامله الطيبه الي تفرض عالطرف الآخر تقبل انتقادنا له,,
__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه
التعديل الأخير تم بواسطة سلطانة نفسها ; 24-10-2009 الساعة 09:20 PM