بسم الله الرحمن الرحيم




جيت اشكي حالي على الله قبل اشكيها على الناس جيت اشكي حالي على الله ثم عليكم كود حالي يزين واصير انسان عادي مثل الناس



السلام عليكم ورحمة الله وبركاته




ياناس انا ابتكلم وبكتب كل اللي في صدري كلام ما قد قلته لاحد على الواقع وانتم بعتبركم اخوان عن بعد انا اللي في قلبي ما عد اقدر اكتمه صارت فيني حاله نفسيه يجيني من الضيقه ما لا يعلم به الا الله يجيني هم وكدر وضيقه احس اني خلاص الدنيا ما تشيلني من ثقل همي يا اخواني ويا اخواتي ويا عمي وي خالي ويا امي ويا ابوي كل واحد على حسب عمره اعتبركم عائلتي اللي بينفعوني

تكفووووووووون النفس ما عد صارت تتحمل انا وحييييييييييييييييييد في هالدنيا وحيد الله يجزاكم خير ابي حل انا وحيد مالي اصدقاء عمري 19 سنه ولا لي صديق واحد مع اني محترم واخلاقي عاليه ورجال الحمدلله ولكن ما ادري وش السبب احياناً ابي احد يظمني من الضيقه اللي فيني واحياناً ابي اجلس لحالي وابكي

احياناً اقول انا وش فايدتي بالديا؟؟

وش الفايده مني

انا وحيد الناس يتهربون مني مع اني والله انسان رائع واعوذ بالله من مدح نفسي ولكن انا على الاقل انسان مثل اي انسان ليه اصدقائي يتهربون مني ليه انا وحيد ,صحيح ان امي وبوي وبعض اخواني يحبوني بس اذا سافرو وظليت انا مع ابوي لان ابوي ما ييسافر مريض واجلس انا عنده احس بوحده مميته غريبه عجيبه احس ان روحي غير عن ارواح الناس لما ابي اطلع ارفه عن نفسي اتصل باصحابي الكل يتهرب انا مشغول انا بتصل عليك بعدين انا بودي اهلي انا مشغول مع اصدقائي ولما تجي وقت المصلحه ياخذون مصلحتهم ويتركوني

كنت اعاني من مشكله في المدرسه بغيت اترك الدراسه عشان هالمشكله كنت اجلس بالفصل عادي مثل الناس وبعدين يجون لمي الطلاب ويضحكون علي يسموني الشايب الاثري وانا بحمدالله تخلصت من هالمشكله ووقفت قدامهم وخليتهم يحترموني لكن مشكلة الوحده الوحده قطعت قلبي انا اكتب هالكلام ودمعتي والله على خدي تكفووووون ابي حل

تخيلو يوم العيد جالس وحيد لان اهلي سافرو واظطريت اني اجلس عند ابوي وجلست وطلعت بالسياره اشوف الرجاجيل والاولاد والحريم والبنات والبزارين رايحين جايين ومبسوطين وانا همي وضيقتي بصدري وبقلبي

خلااااااااااص ضاقت بي الدنيا ابي حل ارجوكم


خففو عني