المشاركة الأصلية كتبت بواسطة تركي العالمي

انتي تدورين المشاكل؟؟؟؟

الحين انتي ناويه انك تروحين بيت اخو زوجك او كائناً من كان، وش الي ردك،،، وش يعني اذا كانوا موجودين، يعني ماعاد تبين تقابلينهم ولا عاد تبينهم يجونك ولا عاد تبين تقابلينهم بعد بأي مكان عاام؟؟؟

وش هاالتفكير؟؟؟؟

اسمحيلي،، ولكن يوم انك ناويه تروحين تزورين بيت حماك كان رحتي والي موجوده موجود ، والي موب فيه الله يحفظهم ، لا تكبرين الموضوع وهو اصلاً ولا شيء، يعني انتي كنتي مشغوله مع ولد في المستشفى ، وهم يعني كانوا يتبطحون ولا وراهم اي مسؤليات او اهتمامات او اي شغل ، يعني انتي المشغوله وهم الفاضييين، هل هذا يعقل؟؟؟
أول شئ أحب أقولك إنو ردك نرفزني كثير بالبدايه بس لما قريته كذا مره فهمت قصدك
ثاني شئ أنا ماراحت لسبب
لو كنت رايحه كانت بنفعل غصب عني على كثر ما أرتفع ضغطي وانقهرت
ولو كنت رايحه كان بيكون بصالحي لأني بكسفهم لكن ما قدرت أجي على نفسي وأروح بالعربي لما كلمتهم ودريت أنصدمت
لوكنت عارفه قبل لا أكلمهم كنت ممكن أروح عادي وأعتب عليهم وجهاً لوجه
وبعدين أيه أنا كنت مشغوله فعلاً مستشفى ومدارس وهم ولدي وتشخيص حالته كان كوم ثاني وهم يتبطحون على قولك هم جايين تمشيه تسليه تغيير جو
تدري كلموني اليوم وأخيراً ويالآخر تقولي أخت زوجي أصلاً أنا جايه عند أخوي الصغير لا عشانك ولا عشان أحد
وكلمت زوجك مرتين يعني معنى كلامها أنتِ مو لازم
بالله لو لا قدر الله بعيد الشر تعبت أنت ومابقى حد مازارك إلا أخوان زوجتك وعمك ولا حتى إتصال وش موقفك قدام أبوك وأخوانك
وإلا تدري إنو أخو زوجتك جايب أهله عندكم ومشى من غير حتى ما يطل عليك مابيحز بخاطرك الواحد فينا إذا فرح وده الكل يفرح معاه خصوصاً إاللي يحبهم وإذا حزن بعد وده الكل حوله ويآخذ بخاطره ويواسيه
والدليل توقيعك أنت فرحان وحبيت تشاركنا فرحك مع العلم حنا مانعرفك أصلاً


وبعدين لما نويتي تروحين ، ورى ماقلتي مادامهم هناك فصه اقابل اهل زوجي واسلم عليهم واطمنهم علتى صحة ولدي ، حتى وان قصروا انا الي ببدا با الطيب والحسنه، ولا تشوفين فيها اذلال لك ولولدك.

موب كلام منطقي ابداً اختي.

انتي تبينهم منهم شيء طيب، اجل لا تمنعين من نفسك الطيب ، وتحترينه يجي من غيرك،كوني انتي دائماً السباقه للطيب والخير والكلام الحسن ووصل الرحم.

ترى الموضوع اصلاً بسيط ، ولا تكبرينه اكثر من اللازم.

هذولي اهلك ومن لحمك ودمك ، مهماً كان ، لا تحاولين تفتعلين مشكله وانتي لسى طالعه من هم عملية ولدك وتنكدين على نفسك وعلى زوجك.
كلامك صحيح وبالعكس لا فيها إذلال ولا شئ لكن كما ذكرت ما قدرت أسيطر على ردة فعلي ساعتها وفضلت إني ما أروح


با العكس اخذي لك فواله وقهوه وشاهي وروحي لعمتك وعمك وسلمي عليهم وطمنيهم على صحة ولدهم وولد وولدهم، ولعى صحتك بعد ، ترى هم الي لهم الحق.
بالنسبه لأم زوجي وأبوه على راسي من فوق لأنهم أصلاً بمقام أمي وأبوي و ما أقدر أعاتبهم أو أزعل عليهم لأنهم يخافون على ولدهم أكثر مني أنا لكن خواته وأخوانه أسمحلي زي مالهم حق علي لي حق عليهم لأني أعتبر نفسي بنتهم وأنا ما أحب أخبي شئ بداخلي
أحب أصفي قلبي لذلك قلت لهم إني عتبانه عليهم لأن الموضوع بالنسبه لي ينتهي بوقته وإتصال منهم ينهي العتب

وبعدين انتي تقولين انا اوجبهم ولا اقصر معهم، حطي في بالك اختي انك اذا فعلتي طيب قطيه بحر ، ولا ترجين من ورااه شيء ، عشان تحبين نفسك ويحبك الناس وتنحبين.

الله يهديك بسس.

الله يوفقنا ويوفقك.