حبيبتي مادري ايش اقولك .. مريتي بكل هذا و انتي مالك سنة !! الله يعينك و يرزقك الذرية عن قريب

ماعندي علم بالعلاجات اللي وصفتيها و لا حتى عندي اجابة لاسئلتك

فقط حبيت اقولك .. كل ذلك دليل على انه اذا ربي ماراد الحمل ماراح يصير لو مهما سويتي

انتي عندك تكيس و اعتقد انه شي مو بالخطير و في ناس حملوا عليه صح

صديقة امي في الاربعينات و شالت احد المبيضين من زمن و حملت من كم شهر ماشاء الله عليها

و اخرى عملت اطفال انابيب و هي في اوائل العشرينات و صحتها ممتازة بسم الله ماشاء الله و رزقت ب 3 اجنة لكن جميعهم توفوا


فقط حابة اوصلك .. انه مابيدنا شي .. ولو ربي رايد لك الحمل راح تحملي كان فيك تكيس و لا خحتى مبيض واحد
ولو مو رايد لو ماكان في شي برضوا ماراح يصير حمل
فا ارحمي حالك و جسمك ووقفي كل هذه الادوية

حاولي تبتعدي عن التفكير بالحمل .. ادري انه صعب خاصة مع اسئلة اللي حولك
لكن ممكن تسكتيهم .. اي حد يسالك قولي قررنا ناجل شوي .. ساعتها ماحد بيسأل

و انتي حاولي تشغلي نفسك باي شي .. دورات ... طلعات مع الصديقات .. اي شي المهم قللي من التفكير فالحالة النفسية تلعب دور ..

التجأي للدعاء .. قيام الليل و الصدقة والله العظيم لها الاثر الكبير

اول زواجي اتاخرت 8 اشهر .. كان الدعاء دائم بلساني ... بنومي و قيامي و صلاتي و سفري
و الحمدلله ربي رزقني .

و انتي ياقلبي عليك بالدعاء بقلب صاادق و ان شاء الله ربي مايخيب لك رجا
ربي يرزقك بطفل معافى صحيح تقر به عينك و عين زوجك ياارب العالمين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله