شكر كبير لكل مين فكر بمشكلتي وحاول يعطيني نصيحة. كلامكن كلو على راسي,والصراحة شي طتير ضروري بين التنين سواء خاطبين او مزوجين, بس انا بلاقي صعوبة بأني كون معو صريحة بهالموضوع لاني بس حالي اذا صارحتو رح كون متل حدا عم يشحد(يستعطي) الاهتمام وانا مابرضى ع نفسي كون هيك حتى لو بدي طق...
احيانا بفكر انو يمكن تكون هيدي هيي شخصيتو هيك,لانو باختصار بحسو شخص اكلتو الدني والشغل, والخطيبة او الزوجة بالمرتبة التانية في سلم اولوياتو .والا شو رأيكن ؟؟؟
وسؤال اخير كمان,لو طلع تفكيري بمحلو وانا انسانة كتير رومنسية وبحب الرجل يلي يتواصل بروحو وقلبو ولسانو مع المرأة (مش بجيبتو=يعني بينفذلها طلباتها المادية) هل من الممكن انو تنجح العلاقة؟ يعني هل بتزوجو وانا مطمنة بالي؟ او بأخر موضوع الزواج ؟