بدك افضل حل عزيزتي طبقته على ابنيه لما كان عمره سنتين ونص ومن بعدها ماعاد ينام عنا ابداااا

اول شي لما تجي تنيميها بغرفتها حطي لها ضو صغير حتى لاتخاف بعدين فهميها بنتك بتفهم احكيلها هدي غرفتك

حددي ساعة نومها مثلا الساعة 9 بالليل لازم كل يوم تنام بها الساعه

انا اللي عملته كان اله سرير بحواجز حطيته بسريره وحكيتلها اجا وقت النوم وطفيت الضو وخليت ضو صغير شغال

وقعدت على الارض اجا ينزل رجعته وحكيتله وقت النوم ورجعت قعدت على الارض واطلع في الارض وهو يبكي ومااتكلم معه

وكل مايجي ينزل ارجعه بدون مااطلع فيه او اكلمه يمكن اول يوم قعد ساعه لحد مانام

ثاني يوم عملت نفس الطريقه اخدت مني يمكن ربع ساعه بكى وبعدين لحاله حط راسه ونام

ثالث يوم حطيته بسريره وخليت الباب مفتوح وحكيتله وقت النوم تصبح على خير طبعا اجا وراي رجعته بدون كلام ربع ساعه

طليت عليه لقيته نام

ومن يومه الحين عمره 4سنين و9شهور بنام بغرفه مع اخته بس احكيله وقت النوم بروح لحاله ينام

اهم شي حدديلها وقت النوم وطبعا هدي الطريقه اخدتها من برنامج سوبر ناني

وان شاء الله رح اطبقها على ابني الصغير كمان 6شهور بصير عمره سنتين رح اجيبله سرير حتى اخليه ينام بالغرفه مع خواته

ان شاء الله تستفيدي من الطريقه بس اهم شي ماتنيمها العصر خليها تنام ساعه قبل الساعه 3 العصر حتى لما يجي الليل تنام بسرعه

تحياتي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..