السلام عليكم
بصراحه يادكتور صار لي فتره حابه اروح لطبيب نفسي لاني حاسه باكتئاب شديد لدرجة احيانا افكر بالانتحار والعياذ بالله وهالشي مستحيل اسويه لاني اخاف من ربي بس احس هالتفكير يجيني غصبا عني عندي مشاكل كثيره مش عارفه اذا بستحمل تسمع مشاكلي كلها انا بكتبلك الحين وانا منهاره حاسه الدنيا سوده بعيوني وكل الناس اشرار حتى اهلي اقرب الناس لي ظلموني ويعاملوني معامله قاسيه طبعا قصة معاناتي بدأت من 8 سنوات لما انخطبت لانسان نذل وافقت عليه وانا مش مقتنعه فيه بس لانه امي قالت لي اذا بتجلسي ترفضي العرسان راح تجلسي بدون زواج وفي نفس الوقت بسبب الحاح الخطيب واهله وافقت بعدها على طول تمت الملكه وكلشي صار بسرعه وانا كنت مش مقتنعه وخايفه من اسلوبه لانه كان طايش واسلوبه غير لائق بعد الملكه حصلت امور كثير انصدمت فيه اكثر واكثر كان بخيل و جرئ كثير وانا كنت بنت خجوله وحساسه كثير كان يحاول يتحرش فيني يعني كلشي كان يسويه غصبا عني وكنت احس بقهر واحس تجيني حاله لدرجة احس ماشعر برجولي احس مثل المشلوله وكنت اخاف من تهديداته لانه كان يقولي اقدر اسوي اكثر طبعا ماعرف كيف اتصرف معاه حاولت اكلم امي حسيتها تطمني وتقولي هالامور عاديه وبعدين كل مره حسيته يتمادى اكثر الى ان صار اللي كنت خايفه منه حسيت وقتها بشرود ذهني وبشلل ماقدرت اتصرف ولما سألته ايش اللي سويته قالي مجرد مداعبات وبعدها بفتره صارت مشاكل بسبب هالموضوع وطلبت الطلاق قبل العرس وطلقني بخلع وهو طبعا ماعطاني مهري لانه قال مؤجل وماعطاني اياه وطبعا الاهل شجعوني على الطلاق بعد الطلاق يادكتور عشت معاناه نفسيه الى هذا اليوم شفت الظلم والقهر صرت اذا دخلت الحمام اعزكم الله ابكي لما اتذكر اللي سواه فيني واحس بعسر بالبول احس اني حاقده عليه وعلى اهله وعلى اهلي بعد لانه مافي احد فيهم راعى مشاعري ابوي يعاملني باحتقار وحتى احسه مايعتبرني بنته وامي بعدت عني حتى صديقاتي انصدمت فيهم انعزلت بغرفتي لدرجة صرت اكلم نفسي واهلي يعاملوني معامله سيئه ويشكون فيني لدرجة اني قبل كنت اخاف اغلط بس بعد معاملتهم صرت ادخل النت وادخل مواقع زواج وشات عشان ابحث عن زوج وطبعا ماشفت من النت الا التعب النفسي لانه اغلب اللي عرفتهم كذابين , انا احس اني مو طبيعيه نفسي اتزوج بس بنفس الوقت خايفه من الزواج وعندي خوف من الجنس مع انه عندي رغبه شديده وعندي خوف من الفشل والمشكله الثانيه اني بصراحه لما اشوف اهل خطيبي السابق تجيني حاله من الضيق الشديد والتعب النفسي ومااحتمل وجودهم بنفس المكان حاولت اتغلب على هذا الشعور لكن ماقدرت احس نفسيتي تعبت وثقتي بنفسي قلت كثير مع اني امتلك صفات كثيره لاتوجد بكثير من البنات لكن الحاله النفسيه اثرت حتى على شكلي اتمنى انك تساعدني يادكتور جزاك الله خير
اسفه على كلامي الغير مرتب وعندي طلب ثاني يادكتور اذا فيه طريقه اقدر اتواصل مع حضرتك لانه عندي كلام مش قادره اكتبه يعني عن طريق الرسائل الخاصه بعد اذن الاداره .