صح النوم!!
توك اتفكر في شكلها
سنه كامله وينك ؟؟
ليه قبل الخطبه اهلك ماقالولك مواصفاتها؟؟
والاكانو عميانين تو ماطلعت عيونهم يشوفون عيوب البنت هذا اذا كان فها عيوب
وبعدين قبل لاتقول كوريه ومادري ايه طالع وجهك في المرايه وشوف مواصفات البنت الي تناسبك
يمكن انت احلى منها واجمل بعدين ياحراااااااااااام تنصدمممم
وعلى فكره اهلك ايذكروني في ناس اخطبوني لولدهم وسبب رفض الام والخوات يقولون اني كوريه
مع اني بسم الله علي عيوني مومغطه بس الغيره ذابحتهم مايبون زوجة اخوهم احلى منهم
بعدين يسحب عليهم ولا يحترمهم ايشوف زوجته احلى منهم ( تفكيرهم تفكير مراهقات )
يعني الله اعلم خواتك غيرانات مايبون وحده احلى منهم
فنصيحه اذا بتسمع راي الحريم صدقني ماراح تتزوج كل وحده ولها نضرتها
اذا ماعندكم نضره شرعيه خل خواتك مثلا يعزمونهم وانت حاول اتشوفها من دون ماتدري يعني مثلا
من ورى الشباك الباب ادخل عليهم بالغلط يعني سو اي شي المهم انك اتشوفها علشان تقتنع
انا متاكده نضرتك لها بعد ماتشوفها عكس نضرة خواتك لها
وبتوفيق
__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم