غاليتي نعيمه ... انا متزوجة منذ سنة وما في حمل حتى الان ... حاليا باخذ كل انواع الادوية اللي تخطر على بالك ... صحيح عملت لخبطة بجسمي مضايقتني ... راح الخصر اللي كنت اتباهى بيه ... وصرت اسمن ب 10 كيلو تقريبا .. وحاليا لجأت للأعشاب لأنزل وزني ... ما بحكيلك عن الكآبة اللي بمر بيها من ورا الادوية والمنشطات لأنك اكيد تعرفيها ومريتي بيها ... بس ما راح ابطل علاج ... لأن العلاج بيعطيني امل كل شهر ... صحيح ببكي كل ما بتجيني الدورة واعرف انه تعب هالشهر راح عالفاضي ... ابر والم وحبوب وغيره .. بس ارجع واقول يللا الامل بالشهر الجاي ...
مرة قلت مثلك راح ابطل علاج كافي تعبت والاطباء كلهم ما بيفتهمو شي و كله على ربنا وووو .... بس ربنا قال اسعى يا عبدي وانا اعينك ... والسعي للعلاج من اجل الحمل حاله حال السعي لعلاج اي مرض ممكن نصاب به ... عندك مرضى السكري والقلب والضغط ووووو ... بياخذو ادوية كل يوم طول الباقي من عمرهم ... وفيهم الصغار بالسن وبيضربو انفسهم بانفسهم ابر السكري ... يصح انه واحد منهم في يوم يقول كافي انا ما راح اخذ علاج بعد اليوم ؟؟؟؟

حبيبتي انا ارتحت ليكي من ردودك على موضوعي الاخير ... وبودي اوصل ليكي فكرة معينة ... اكيد انتي سمعتي اراء كثيرة ومتضاربة .. وكثير يقول الادوية تضر وما بتنفع والافضل ترك الامور على حالها وانتظار رزق الله .. وبتعجب من هؤلاء الناس يعني هل كانو قالو نفس الشي لو كان عندي تساقط في الشعر مثلا ؟؟؟ ما كانو قالو اخذي كذا واعملي كذا ؟؟؟
لماذا اذن يختلف العلاج من اجل الحمل ؟؟؟

انا لست معك في ترك العلاج حبيبتي ... اللي فهمته من كلامك انك رحتي لطبيبة واحدة وقالتلك ما في تكيس ... انا رحت لطبيبة اول مرة وعملتلي سونار وقالت ما في تكيس وعلى اساس كلامها ما اخذت اي علاج ... وبعد فترة رحت لغيرها شافت عندي تكيس .. فرحت لغيرها واكدت انو عندي تكيس ... شفتي كيف مرات الطبيب يخطأ ؟؟ المهم ... ان شاء الله ياربي يبعد عنك شر التكيس .. بس انا بضرب لك مثل على نفسي لا اكثر ...

مادام دورتك الشهرية ما منتظمة يعني في خلل معين .. لازم ما تيأسي وانتي تبحثي عن مصدر الخلل وتحاولي تعالجيه ... يعني مثلا هل عملتي تحليل هرمونات ؟؟؟ شفتي هرمون الحليب كم نسبته عندك ؟؟ ولا نسبة هرموني LH و FSH المسؤولان عن التبويض ..

متى ما انتظمت دورتك الشهرية وتأكدتي ان حجم البويضة شهريا صار 18 ملم او اكثر وما في اي خلل في اي هرمون والحمد لله انتي تاكدتي ان قنواتك سليمة هذاك الوقت فيكي تبطلي علاج ... بس هلا لا ما بنصحك ... صارلك سنتين والناس تتساءل وتتضايقي من الرد عليهم فليش تخلين الفترة تطول لا سامح الله وتهملي العلاج لترجعيله بعدين ؟؟

لا تيأسي حبيبتي ... انا مثلك والله ومتضايقة من كلام الناس والروتين والفراغ والرغبة لدي عارمة لأن احضن طفل بين ذراعي بيديه الصغيرتان وارجله الحمراء الناعمة ... بس ارجع واقول ربك قارد على كل شيء ... بس لازم نسعى عشان يساعدنا ....
يارب تفرحي انتي وزوجك قريبا ويرزقك ربي حبيبي بطفل مثل القمر ...