السلام عليكم ........
اخواني رواد المنتدى بعد متابعتي لهذا المنتدى الرائع والجميل
وجدت ان المنتدى يعيش حاله من الجديه الشديده والتي تميل في كثير من الاحيان
الى نوع من انواع المعاناه وكثرت به مواضيع المشاكل والبحث عن حلول
وهذا ليس بالشيء السيء
لكن لمحاوله كسر هذه الحاله ولمحاوله رسم الابتسامه على وجوه البعض ومحاوله كسر الروتين
اتمنى من الجميع المشاركه
الموضوع بسيط ويمكن انذكر قبل كذا في المنتدى لكن اذا حصل ونزل موضوع بنفس المعنى فااعتذر مقدما
نبي نعرف وش اكثر موقف محرج حصل بينك وبين زوجتك او العكس
طبعا المواقف كثير بس بحط اول موقف خطر ببالي
وهو اول يوم جيت انا وزوجتي على البيت طبعا بعد ماطلعنا من الزواج والخرابيط ورحنا الفندق الخ الخ
كان زواجنا في غير المنطقه اللي انا ساكن فيها
المهم اول ماوصلنا البيت وبما اني ابغى اسوى اقوى واحد بالمملكه قدام زوجتي
كان معنا شناط واغراض كثيره وانا من زود القوه والذكاء ابي اشيلها كلها دفعه وحده
واطلعها للشقه
صرت انزل الاشياء من السياره واحطها بالمصعد عشان نطلع كلنا مره وحده
المهم طلعنا للشقه ومدري ايش اللي صار لعقلي
ابغى اوري زوجتي الشقه يوم وصلنا خرجت من المصعد وفتحت الباب وقلتله اتفضلي ببيتك
دخلت وهي تقول ما شاء الله وخرابيط العرسان اول مايدخلون بيتهم
وانا ناسي المصعد المهم انا اندمجت شوي وش رايك بالمطبخ طيب وش رايك بذي الكاسه وشوي وش
رايك بذي اللمبه المهم المصعد هو نزل مدري طلع افتكرت الشنط والاغراض
قلتلها لحظه بجيب الاغراض
واطلع واضغط زر المصعد اللي وهو طالع قدامي مافيه ولاشنطه ولا كيس ولا شي
طبعا صدمه رهيبه
والمصيبه ان في شنطه مليانه ذهب الهدايا اللي جاتها بالزواج
طبعا جاتني حاله ارتباك + دلاخه
وارجع الشقه قلتلها بالله لاتزعلي
قالت وش فيه
قلت انسرقت اغراضنا
المهم عشان ما اطول عليكم >>>>>> كل هذا وماطولت ؟؟؟
اقل من دقيقه ويدق البنقالي على الباب ويقول باب كل شنطه انا نزلته تحت عشان يجي ساكن تاني يبغى يطلع يلقى المصعد مليان
ومن يومها اذا بغيت اطلع البيت شي اطلعه واحطه قدام الباب وادخله شوي شوي مو دفعه وحده