لاحول ولاقوة الابالله
يااخت ليلى فكري بالعقل شوي مو كل شيء بالعاطفه
حطي في بالك
هالانسان ما صار كذا طيب معك الا لانك طيبه وبنت حلال وعلى نيتك والف واحد يتمناك
هالانسان متزوج وكل يوم تخيلي انه ينام بحضن زوجته.. يعني مو داري عنك !!!
لا تقولين انه يحبك و يعزك وما يحب زوجته ووو
لو يحبك يسوي شيء عملي
الحب مو بس كلاااااااااااااام
سهله انا اقدر اقول لك كلام حب هالحين وافجر راسك فيه واطيرك اعلى سماااء
بس يوم تقولين لي اثبتي وشلون احبك بشيء مادي مثلا اخطبك لاخوي ولا ولا
تلقيني تهربت وسكت وضيعت الموضوع
اذا يحبك من جد يجي يدق باب بيتكم ويخطبك ويتزوجك لو انتي مقتنعه تكونين زوجه ثانيه
واذا يحبك بس بالكلام هذا واحد جالس يطقطق ويلعب يبي وحدة تهتم فيه وتحبه وتدلعه ويكون مو مسئول عنها
واسمحي لي اقولك هالنوعية من الرجال تخوف حتى لو تزوجك
لانه تعود في باله ... الزوجه في جهه و العشيقه في جهه ثانيه
الدنيا دواره وبيجي يوم تاخذين واحد يخونك ويقهرك مثل ما انتي سويتي هالشي وساعدتيه يخون زوجته
حطي في بالك دائما من خان لاجلك يخونك
اختي المساله مو بس مساله دين وخوف من الله المساله سمعتك و شرفك يابنت الناس
تخيلي لو اهلك عرفوا ..!!
تخيلي لو زوجته عرفت وشهرت فيك بالمجالس !!!
تخيلي لو ابوك واخوانك عرفوا !!!
فكري في فاطر السموات والارض وهو يناظرلك في خلوه غير شرعيه مع ذيب بشري
الله يمهل ولا يهممممممممل
اليوم ساتر عليك .. بكره راح يفضحك !!!
حطي في بالك نقطه مهمه ((اللي ما يعز نفسه محد راح يعزه))
عزي نفسك ياليلى
وترفعي عنه وعن اشكاله واللي يحبك بجد يعرف طريق بيتكم و يجيك بالحلال
اما اللي يحب بالكلام والمهايطه والكلام المعسول والاهتمام هذا مو حب هذا طقطقه وكلام فاضي ولعب بالمشاعر
توووووووووووووووبي لله وحطي عزتك وكرامتك واسمك ابوك تاج على راسك واللي يبيك يعرف طريقك بالحلال
نصيحه لك لوجه الله
ان كنتي تسمعين اغاني اتركيهااا لاتقولين وش دخل الاغاني بالموضوع الاغاني هذي هي اللي تهيض المشاعر وتجرجر لمثل هالامور
غيري رقم جوالك وقولي لاهلك اي عذر مثلا ابي رقم من شركه زين ارخص ولا ابي رقم مميز ولا ولا
غيري ايميلك اذا كنتي اتكلميه على الايميل
وانسيييييييييه اشغلي نفسك هالفترة طلعات زيارات قراءة القران استغفار تسبيح صلاة اخر اليل
وربي راح يكون معك
قولي بدعائك ربي ان قلبي بين يديك فاصلحه وانزع الحب الحرام منه وكوني صادقه ترين العجايب
اخيرا اقول الله يهديك ويثبتك على دينك ويوفقك ويعطيك قوة حتى تعزين نفسك عن هالاشكال
__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم
التعديل الأخير تم بواسطة لولي999 ; 04-11-2009 الساعة 10:16 PM