منتدى عالم الأسرة والمجتمع - عرض مشاركة واحدة - معاً نحو الرشاقة ....الجزء الثاني (2)

07-11-2009, 10:15 PM

#417

dodi_dabdoobi

عضو مميز

تاريخ التسجيل: Apr 2006

المشاركات: 2,684

مبرووووووووووك للبنات اللي نزلو و عقبال الفرحة الكبيرة و الهدف المنتظر الله ينول كل وحده مرادها و ينحفها و هي بصحة و عافية

ام عمار الف مبروك حبيبتي نزولك اللي بجد ما شاء الله تبارك الله انجاز رائع

ام جمانة ربي يرجعم بالسلامة

بكورة ما وزنتي فينك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنوتة مكه اخيرا

شفتي كيف نعنبوه يتربس يتربس و فجأة ينزل !! لكن خليكي احسن منه و اغلبيه

شوفي طالما انه نزل فمعناه ان جسمك الحمد لله قابل للنزول بس يبغالنا شوية قرص على انفسنا و بعدين الموضوع ح يصير عادي

يلا شدو حيلكم يا حلوين نبغا الموضوع يقفل خلاص و نخلص من هذا الهم

طبعا الوحدة فينا بس ينهز جسمها شوية تبدأ تخبص و تقول نزلت اكل اليوم و بكرة ابدأ

امس مرة اشتهيييييييييييييت اني اكل شي حلو و دسم طبعا غير الفواكه

رحت بسرعة على المطبخ و فتحت علبة بسكوت الشوكولاتة الكبيرة (للأسف انا خبزته بنفسي) و مديت يدي اخدت حبة و قربتها من فمي و فتحت فمي و فعلا دخلت فمي بس قلت
حرااااااااااااااااااااااااااااااام اخرب الريجيم و اضيع التعب و حرام الفلوس اللي اندفعت في المركز حق التخسيس (وصلت في اسبوعين ل1400 تقريبا ) و قبل هذا كله اتذكرت الذرية

قلت لا
هذي نقطة ضعفي اتعوذت بالله من ابليس و قفلت العلبة و اخذتلي علبة لبن و كوب عصير تفاح و برتقالة(مسموح في ريجيمي )

و
و
و

فتحت العلبة تاني

و دخلت وجهي عند الغطا و اخذت

نفـــــــــــــــــــــــــــــــــــــــــــــس

عميـــــــــــــــــــــــــــــــق

والله ولا المدمنين

و رجعت قفلتها

و
خرجت

طبعا حسيت بانكسار ساعتها و حزن لاني مرة احب الاكل و اتلذذ به لابعد حد لكن اكيد اكيد طعم الاكل حيكون الذ و أولادي جمبي

يااااااااااااااااربي يا كريم لا تحرمني و لا تحرم اخواتي من شوفة عيالنا قريب و هم بصحة و عافية

اشوفكم بكرة ان شاء الله موعدي مع اخصائي التغذية تاني عشان ابدأ الأسبوع التاني

__________________
رب لا تذرني فردا و انت خير الوارثين