اختى مادرى لييه تستقدمى شغالات وانتى تعرفى انه زوجك فيه المشكلة دى ليه وضعتى النار جنب البنزين مثل مايقولوا
يعنى تهيأى له الامور وبعدين تشتكى يااختى
اولا لابد من التخلص تماما من الاعتماد على وجود شغاله بالبيت
ثانيا ماتفكرى مثل البعض مايقول انه الحرام بدمه وماراح يتغير ابدا مهما حصل اريد ان اقول لك عزيزتى لا سبحان الذى يغير ولا يتغير يعنى مافى شئ اسمه مايتغير وانا متاكدة انه مايصلى تمام ولا ملتزم جيدا بالصلاة لان الصلاة تنهى عن الفحشاء والمنكر خلى عندك حسن ظن بالله
ثالثا عليك عليك بالدعاء له بان يكفيه الله بحلاله عن حرامه وان يثبتك ويساعدك على تخطى هذه المشكلة
رابعا اعينيه وحاولى يااختى انك تسوى له ما يحبه او مايلفت انتباهه بالشغاله حاولى تكونى قريبه مما يحب اكثر اعرف انو اكيد راح تقولى اسوى كل شئ ماعليه اجتهدى اكثر وحاولى ولا تسمعى لقول ليه باقيه عليه مادامه كدا الا بعد بذل مجهود كبير جدا لمساعدته على ترك المحرمات وصدقينى اولادك يستحقون ذلك منك ان تثابرى وتحاولى الحفاظ على الاسرة والبيت
خامسا اعينيه على التقرب من الله بالحفاظ على الصلاة بوقتها وصلاة الفجر جيبى اشرطة تتكلم عن فعل المحرمات والزنا
وشغليه بالسيارة مثلا وانتم ماششيين لكن ابدا ماتتكلمى معه بالموضوع مبدئيا وماتبينى له غيرتك لانه بالاخير راح يطفش من الكلام والغيرة والاتهامات وماراح يتغير شئ وقتها ما بتستفيدى ولا شئ وبس بينخرب البيت والموضوع راح ياخذ وقت ومجهود معليش بيتك واولادك يستحقون ذلك ولكن اهم ماقلت هو انك فورا تتنازلى عن وجود شئ من رفاهيتك فى سبيل سعادتك وسعادة اولادك وهو الشغالات تخلصى منهم تماما 
بعدم الاستقدام طبعا وليس القتل
اخيرا ارجوا لك التوفيق وان يهدى زوجك ويعينك
__________________
اللهم بارك لى فى اولادى وزوجى وعوضنا خيرا مما فقدنا
التعديل الأخير تم بواسطة تيررا ; 09-11-2009 الساعة 02:02 AM