والله ياختي دامك فاتحه جوالك وتردين كل مره
صدقيني حواركم ماراح يطلع عن هالموضوع يدق يقول بسهر معك كانك خويته مو زوجته وانتي تقولين لا لازم نتناقش
ويرجع يهدد ويصك
هذا اللي بيصير كل مره...ماراح تطلع مكالماتكم عن هالموضوع
يانمبر المفروض قلتي له الكلام اللي قلنا لك وانهيتي مكالمتك
لما قال خلي الناس ينفعونك كان قلتي انا ماني طفله الناس يوجهوني...
انا اللي عشت معك وشفت وجربت ويوم طلعت من بيتك مو الناس اللي طلعوني انت اللي طلعتني وانا انسانه ابي استقرار وامان وراحه ماني راجعه الهم وغم وضرب واهانات ابي رجال احس بالعز وانا عنده موبالاهانه
وعيالي تبي تجيبهم كان بها ...ماتبي تجيبهم بكيفك
ومالي الا رب العالمين بستخير والله يكتب اللي فيه خير اذا فيك خير لي برجعلك واذا مافيك خير الله يبعدك عني ويبعدني عنك
وانهي المكالمه خليه يخاف يحس انك جاده
وعلى فكره اعرف نوعية زوجك
زوجك ترى من النوع اللي يحب يذل ويهين يعني توقعي تسمعين انه خطب عليك ماعنده اي مشكله
لاتتضايقين من كلامي بس اعرف هالنوعيه من الرجال
زوجك لازم يحس انك قويه وبايعه يحس انك طلعتي من يده خلاص
لحظتها راح يتحرك ويبدا يلحق على نفسه وعليك
لكن الان تصرفاتك معه بيحس ان الموضوع عناد بس
وبيستمر بتهديده وحركاته اللي كلها نذاله
لانه ماشاف شي جاد يشوف وحده ترد عليه باين انها تبيه ومتردده وتعاند
وبعقله الصغير بيروح يرد لك هذا العناد بأشياء تقهرك
اختي الان اتوقع انه راح يتصل عليك قولي له مثل ماقلنا لك وبعدها خلاص اسفهيه
واستمري بالدعاء والاستغفار
وخلينا ننتظر الاخوات يمكن ارائهم تفيدنا اكثر