عزيزتى
انا امرأه مسلمه ومؤمنه بالله ولله الحمد اؤدى فروضى وهذه المقدمه اقولها لك لان ما سيأتى قد يعطيك ايحاءا بأنى اجرك الى تهلكه ولكن ربى يعلم ما فى صدرى فأنا لا اعرفك ولا تعرفينى ولكنى اتمنى من الله ان يوفقنى فى اعطاءك الرأى
اولا انا ضد ان تكون تبعه الحلول على الزوجه وما اعرف البسى له واعملى ليله حمرا وخضرا وزرقا بصى انا هكلمك بالعربى المصرى كده وبالبلدى
زوجك رجل دين كما تقولين وشخصيه عامه ومرموقه يعنى مش محتاج فى بيته الا للحريه ومعظم الدعاه ورجال الدين يحبون النساء جدا جدا حب حلال يعنى عاوزين يتمتعوا بالست لاخر نقطه فيما احل الله
يعنى فى مصر هنا بنقول على بتوع الازهر مثلا يحبون اكل اللحم وركوب اللحم واللحم فى اللحم يعنى ركوب الدواب الخيل وكده واللحم فى اللحم كنايه عن الجنس
ما علينا
جوزك ممكن محتاج تحميه تسخين وبيشوف الافلام دى كنوع من الاثاره ليس الا ولما طلب منك انك تشوفى معاه كان قصده اكيد مش انه يفسدك ولا انه يخليكى تبصى على الرجاله التانيه لا كان قصده انك تتعلمى من الستات دى اللى بتعمله ( نتكلم بصراحه بغض النظر عن ان دول عاهرات والحرام وان وان بس فيما يتعلق بالثقافه والافعال وردود الافعال اكيد هتتعلمى شى وده كان قصده ان تشاركيه )
ولما هو بيتفرج لواحده لما انتى رفضتى ده معناه انه فعلا محتاج يثار ويمكن حياتك ما بتديلهوش ده .....انتى فاهمانى؟؟؟؟
كونك بقى تدورى وراه وتقولى له انت عملت وسويت ده ما يصحش .....هو مش عيل ....انتى اهنتيه وصغرتيه قدام نفسه....وهتخربى على روحك
اولا ما تسيبيش البيت وابعتى له رساله قولى له اسفه ........ انا خفت عليك مش أكتر ....... خفت ده يوديك طريق زنا او تهلكه......انا عارفه انك عاقل وكبير بس خفت عليك .....انا بحبك أعذرنى
بس وتسكتى خالص ولا تزنى ولا ترنى له حتى عالموبايل
ولما يرجع بلاش الحركات الهبله بتاعه قميص النوم والشمع لا عااااااااااااااااااااادى خالص
ولا تعملى اى شى مش طبيعى معاه
وبطلى تدورى فحاجته ولو هتموتى تعرفى اعرفى يا ستى واسكتى بعد شويه هتتعودى
بعد اسبوع او 10 ايام كده قولى له انا عاوزاك فى موضوع وعيدى عليه نفس كلام الرساله ......وقولى له انا خايفه من حرمانيه الفرجه معاك عالافلام دى ........هيناقش ويقول ويعيد......وقولى له ان مثلا فيها رؤيه عورات الغير وفيها اننا هنشوف حاجات ربنا حرمها يمكن انت تبقى عاوز تعملها معايا
هو هيطمن لك ويقولك المبرر والسبب وكل اللى فى نفسه
قولى له انا خايفه تقارننى بالاجسام دى وخايفه انا كمان اقارنك
ومعلش استغفرى ربك وشوفيها معاه بعد ما تعرفى كل مبرراته وافهميها ارجوكى
شويه بدل ما هتشوفوها كل يوم هتبقى كل اسبوع وبعدها كل شهر وبعدها فى المواسم ده ان افتكرها اصلا وده لانك هتفهميه وهتعرفى اسبابه ولو فهمتى السبب هيبطل العجب
سلام وبلاش هجوم واتهام لى بأنى كافره وست مش تمام والكلام ده