كان الله فى عونك.....
ادعى ادعيه فك الكرب والله انها هتهون عليكى كتير.......وقولى اللهم اجرنى فى مصيبتى واخلفنى خيرا منها
عندك حلين الاول انك تعتبريه مش موجود وانه مات بعد الشر زى ما قال.......يعنى انتى هتتطلقى وهتتصرفى ازاى بعدها هتصرفى منين لو هو رفض يصرف هتعيشى فين وازاى.....واولادك
انا عارفه ان الكلام ده محبط بس اللى يحسب الحسابات فى الهنا يبات
سيبك من اهله والكلام ده لان ماحدش هييجى على ابنه ابدا
الحل التانى انك تتطلقى بس قبل ما تتطلقى لازم تحسبى لكل خطواتك واحسبى اسوأ شىء ممكن يحصل لك اى حاجه بعد الشر زى انه يطلب المهر اللى دفعه او انك تسيبى البيت او ما يصرفش عالاولاد او اى تصرف احمق .......لو عندك حلول وخطط لكل المسائل دى ........هقولك أيه ؟ ارحمى روحك واولادك
ولو مافيش حل لهم ما تعانديش عشان ما تتطلقيش وتضطرى ترجعى وانتى مكسوره وكارهاه بجد
وعلى فكره المشكله مش فى سفره ولا خيانته المشكله فى الشرب وعدم الصلاه لان دى حاجه تخوف
حاجه كمان ربنا عادل يعنى ما بيخلصش ذنب حد من حد لا بنته ولا ابنه ولا اى حد ربنا هيعاقبه بيه يعنى تصور اى انسان ان اعماله هتقعد له فى عياله اطنه تصور مش تمامزربنا هيخلص منه هو بأى طريقه ومن ذاته .......
ما تخافيش على اولادك عرفيهم طريق ربنا وحصنيهم وادعى فى صلاتك ربنا يحميهم لك من شر كل ذى شر حتى لو ابوهم
وعندك الصبر عالاذى.........وده صعب اوى اوى اوى..........يعنى عاوز إيمان وثقه فى عدل ربنا وتمسك بالاخره بشكل عظيم...... ما اقدرش انصحك باللى انا ما اقدرش عليه بس يمكن تكونى اقوى منى وتقدرى عالصبر والصبر مش معناه انك ما تفضفضيش لا قولى واحكى واحنا هنا كلنا اخواتك.........الصبر معناه تفوضى امرك كله لله ...... وانك لا تهدى من احببت ولكن الله يهدى من يشاء .........ربنا اللى بيهدى بس بيهدى اللى عاوز يتهدى ان الله لا يغير ما بقوم حتى يغيروا ما بأنفسهم....أدعى ربنا يكف اذاه عنك وعن اولادك
كلامى يمكن ملخبط بس ما عرفتش انصحك بأيه غير كده
ربنا معاكى ويهدى لك العاصى
أدعى لى ربنا يحفظ لى اولادى ويرزقنى برهم ويبعد عنهم شر كل ذى شر