مشكور اخ ريان على الموضوع...انا بصراحه متزوجه من اربع سنوات ولامره شكيت فيه الاهذي الفتره من شهر ,صار يقعد على الانترنت والمحادثات.. ولما اوقف عنده يغير الوقع .... ويدش عالماسنجر ... ونفس الحكايه مع ان كل اللي معاه في الماسنجر شباب ..... بس ماادري ليش يغيره .... وقبل اسبوع غير الرقم السري مال الايميل ... وبعد مسوي له ايميل ثاني ... ولااعرف شلون ادخل عليه.. ولما قلت ليش ماتعلمني الرقم السري قال اخاف تنحرفين لان اصدقائه يدزون له صور من اللي؟؟؟؟ انا الحين حامل في الشهر الاخير واخاف اتخانق معاه وتتعب نفسيتي ... الاني بعد ولادتي الاولى جاني اكتئاب بعد الولاده ...سؤالي هل في تصرفاته مايوحي بالشك .. لانه يقول كل الرجال مايقولون لزوجاتهم عن ارقام ايميلاتهم ...مع اني اعرفه حيييل ولااشوف فيه شي متغير.... بس عندي احساس داخلي ان فيه شيء .. الله يخليكم اذا تحسون من حركاته فيه شي مخفيه قولو لي شلون اتعامل معه وادري انه يحبني مووووت.. اخاف ان مايكون فيه شي واكون بس شاكه واخسر زوجي في هذي المرحله الحرجه..نسيت لاقول لكم انه صار يغلق تليفونه
في الليل بس يقول الانه زهق من كثر اللي يدقون عليه يبون واسطه في حاجه تبع دوامه.الن الحين وقت الواسطات وانا متاكده ان الحين الكل يبي واسطه.. تحسون كاني اتهرب من شكي .. يارب مايكون فيه وحده غيري واحب اقول لك اخ ريان انه هو المسؤل عن عائلته وعنده اكثر من دوام هذا اللي مخليني مااشك فيه لان عنده مسئوليات كثيره تحس دايم موفاضي.. احس اني طلعت عن الموضوع بس الله يخليكم ردو علي لاني في حيره شديده ...اسفه اذا غيرت مجرى موضوعك اخ ريان بس الله يخليك تحملني ورد على اختك الحيرانه....بحكمك رجل وتعرف حركات بني جنسك ..