يابنت وش اللي جرالك بصراحه انصدمت من اللي قريته

اعرف ان البنت احيانا تغلط وترجع واعرف ان البنت تنخدع وتتعلم من الدرس لكن انتي وش اللي جا بعقلك


حياتك تدهورت بسبب ذئب بشري انتي اعلم انه ماراح يكون لك ولا راح تكونين له

ارخصتي نفسك وذليتي عمرك على شي لن يحدث

قصتك مثل قصة اي وحده نهايتها معروووفه

وش تنتظرين وش تبين اكثر من كذا...تبين نهايه لقصتك شوفي اقري المواضيع هنا وخذي العضه والعبره واطلعي بأقل الخساير

وصلت فيك انك تشحنين جواله... تظنين انه ميت عليك ويبي يتزوجك انتي تضحكين على نفسك بهالكلام

والله مايتزوجك لو انك اخر بنت في الدنيا...هالنوعيه معروفه...وانتي بعينك شفتي كل الدلائل انه شخص لعاب ويصرف من هنا وهناك عشان يستمتع قدر الامكان دامه اعزب...لكن صدقيني متى ماجته فرصه يتزوج بنت عفيفه بنظره لن يتررد

اسحبي نفسك من الآن وابتعدي عن كل مثير يثيرك مثل شريحتك غيريها الآن اترجاك لا ترجعين تكلمينه اللي سويتيه موقف شجاااااع اهنيك عليه كملي وربي يعينك ... ومن ترك شيئا لله عوضه الله خيرا منه


العني الشيطان وصلي ركعتين ادعي فيها ربك ان ينزع حبه من قلبك وبدل ماتنتظرين الزواج من هالشيطان اللي على صورة انسان وانتي عارفه انه ماراح يتزوجك ادخلي موقع العفاف للزواج وحصني نفسك وعفيها وعزيها وخذيلك واحد يعرف قيمتك ويحترمك مو ذا البزر اللي قاعد يهايط عليك وانتي مدري وين عقلك فيه الله يسامحك والله قهرتيني وماقدرت اكمل مشكلتك

صدقيني الرجال ماينجبر على شي ولا فيه ظروف تقدر توقفه لو بس حب بصدق ونوى يتزوج راح يجي البيوت من ابوابها مو بالحرام جوال ومكالمات وخرابيط وهو الحين قاعد ينهبك ويستغل هالشي فيك ويستغل ضعفك.... لاترضين على نفسك وتذكري عيوبه فقط وبتكرهينه بسرعه ولاتذكرين اي شي حلو منه

الله يفرج همك...ادخلي دار تحفيظ واطلعي وغيري جو الكآبه هذا وزوري صديقاتك ووووو اشغلي وقتك كله لاتجلسين لحالك فاضيه ابدا