الحب تلك القصه الرائعه والكلمه الجميله والكلام الحالم والوعود والعهود وانتفاضه القلب فى اللقاء وانتفاضته فى الفراق والمه ودموعه .............
حاله
الحب حاله
لماذا نحب اكثر من اللازم لاننا لا نحب انفسنا بالقدر اللازم......دى حقيقه لو حبيتى نفسك هتشوفى روحك حد ما يستاهلش بهدله ولا انه حد يسوقه او يخذله او يمرمطه.....
لو حبيتى نفسك هتشوفى الناس صح وهتقدرى تعرفى قدرتك على الانسحاب فى اوقات ما تهينيش فيها روحك
لو حبيتى نفسك هتشوفى انك لازم تبقى فى علاقه متوازنه فيها اخد وعطا
وكلمه تحبى نفسك مش انك تبقى مغروره ولا انانيه لا تشوفى نفسك صح تشوفى ان ربنا خلقك حد كامل ومميز وانك ما ينفعش تحبى حب مهين
ما بنعرفش نخرج من العلاقات دى ليه وبتتحول لادمان ......لاننا ببساطه لسه ارواحنا وعقولنا تبع الانسان الاول البدائى الخائف والمرتعب من الوحده
الخوف من الفراق
الخوف من الالم
الخوف من عدم القدره على استكمال الحياه بدون من نحبهم
الخوف من الغد
الخوف من عدم ايجاد مشاعر لاى انسان اخر وكأنهم افرغونا من مشاعرنا حين ذهبوا
الخوف والخوف والخوف
ده المحرك الاساسى للذعر اللى بنصاب بيه لما نفارق
بس الحقيقه ان ماحدش بياخد مشاعر حد وانها نبع بيتجدد لوحده من عند ربنا يعنى هل اللى مات له عزيز مات وراه او اللى فارقها حبيبها ماتت لا فضلت ميته فتره وبعدها عقلك هيرفض الموت وهيفوق ويتنفض من مكانه ويرجع تانى عايش وحاسس بالدنيا
المشاعر ادمان والحب ادمان والناس ادمان اى عاده فى الدنيا ادمان مابالك لو انسان واحد بس فى حياتك اكيد هتدمنيه مش هتدمنى حبه
عارفه تعرفى انك مدمنه ازاى وان العلاقه مؤذيه
نسيان كل المساوىء والالام والرغبه فى العوده لحضن الحبيب فقط
رؤيه انه يمكنك اصلاح اى شىء وتحمل اى شىء
شعورك بأنه لا امان الا بقرب من تحبين رغم اساءاته
رغبتك فى التواجد بجانبه وان كان ذلك سيؤدى لاهانتك والتقليل من كرامتك
استعدادك للتنازل فى سبيله عن الكثير
عمل اى شىء فى سبيل استعادته
كل دى مظاهر ادمان انسان وده ادمان مؤذى لانك مش هتعرفى ابدا تتخلصى منه الا بتعب جامد.......
زى المخدرات اعتبرى اللى بنحبه زى المخدرات هتلاقى اللى بيتعاطى بيقول نفس المبررات اللى قلتها لك دى ورغم انه عارف انها اذى بس برضه بيصر عليها
انا عندى طريقه حلوه اوى لما كنت ابقى زعلانه ومش لاقيه حل لحاجه هنصحك بيها ويارب تفيدك
مثلا لو اللى فارقتيه ده جوزك هنسميه مثلا أمجد:
جيبى ورقه كبيره او اى ورقه بس تتقسم بالقلم بالطول من النص
مميزات امجد - عيوب امجد
ده فى ورقه
مميزاتى انا - عيوبى انا
الوضع فى حال وجود امجد بحياتى - الوضع فى حال عدم وجود امجد
اسباب رجوعى لامجد - اسباب رفضى الرجوع لامجد
لو رجعت لامجد الحال هيكون- لو مارجعتش لامجد الحال هيكون
تصور للحياه بعد العوده لامجد
بصى القصه دى شكلها سخيف وهتستقليها وهتقولى كل الحاجات دى انا عارفاها ,,,,,, بس صدقينى لو كتبتيها هتلاقى حاجات ماكانتش على بالك بتخرج عالورق
بعدها هتلاقى خريطه للحبيب مكتوبه قدامك ومن نفسك هتعرفى تشوفى حياتك عامله ازاى
هتعرفى اذا انتى بتحبى حد يستاهل وللا لا
هتشوفى على الاقل ضعفك ونقط قوتك
ارجو ما اكونش خرجت فى ردى عن الموضوع وربنا معاكى
وياريت لو عملتى بنصيحتى تقولى لى ايه النتايج وممكن لو حبيتى ننقاشها