المشاركة الأصلية كتبت بواسطة fatoushi

والله ضحكتينى وانا قلبى معورنى
فكرتينى بابو العيال لما كان يحب يحرق دمى
ياريت تخلى بالك من يوسف شويه الولد داخل على سن مراهقه وممكن يدمن ( ركبى بتسيب طبعا )
البنت حرام عليكى انتى على طول قاهراها ( البنت سلوكها مش بيعجبنى حشريه بحكم سنها بس عيب وساعات ترد على كلام بينى وبين حد )
انتى بتعامليهم زى امك الله يرحمها ماكانت بتعاملك ما ينفعش
انتى مش ام الولد يغضب عالاكل تقولى له انت حر ( لا المفروض اهدد بالانتحار لان الافندى اللى لسه ماطلعش من البيضه بيهدد انه غضبان ) شفتوا الرجاله وتربيتهم
انتى مقصره الولد تسأليه تتعشى يقولك لاء تقومى تلحى عليه مره واحده بس ( المفروض اعمل روحى ريدايل عشان الكتكوت الصغير ابوه يشوفنى ست كويسه )
انا بصحى الصبح اصحى الولاد افطرهم واحضر اكل المدرسه بتاعهم اللى هياخدوه معاهم .... واحضر غداهم يرجعوا اغديهم واكون محضره لهم شى حلو ونتكلم ونهزر شويه ......نتفرج عالتليفزيون واوديهم تمارين النادى وافضل مرزوعه ساعتين لحد ما التمارين تخلص فى عز البرد .....ونرجع البيت اعشيهم ونذاكر او نعمل اى حاجه ......ده غير المذاكره او الدروس او اى حاجه والخروج مثلا
البيه بتاعى ( طليقى يعنى ) مسافر مغترب على فكره يعنى كل الارشادات دى عبر الاثير
عادى يا حبيبتى طنشى وماتحرقيش دمك بس اهم شىء لازم تركزى عليه وما تتنازليش فيه ياريت تعليقاته تبقى بينه وبينك مش قدام البنت وياريت بلاش قلب الوش ولا حركات العيون قدام البنت لانه هيأثر عليها اكتر من كلامه وهتشوفك بعيونه وهيقهروكى هم الاتنين