منتدى عالم الأسرة والمجتمع - عرض مشاركة واحدة - طريقة عمل الخروف المشوي بالصور خطوة بخطوة

20-11-2009, 11:44 PM

الصائمة لله

رئيسة الهيئة الاستشارية

تاريخ التسجيل: Feb 2007

المشاركات: 14,843

اقتباس:

المشاركة الأصلية كتبت بواسطة بكر الشايب

الله الله

طريقة ولا أسهل

انا اول مرة طبخت فيها ذبيحة تعالي شوفيني

بقولكم القصة بس ارجووكم الضحك على خفيف

كنت في بيت اهل زوجي وحلفوا طبعا يذبحون لنا خاروف (عادات البدو ذبح خاروف للضيوف)

ويقوم زوجي العزيز يحلف عليهم محد يدخل المطبخ غيري !!! يعني يبي يبين لهم اني ست بيت واعرف اطبخ

طبعا انا لغاية الحلفان ما ادري انه المطلوب طبخه خاروف كامل مو كتف ولا قطعتين لحم مثل ما تعودت

وأقوم انا الصبح بكير قبل الكل اروح المطبخ وأسأل الخدامة الجديدة عندهم وين لحم ؟ تقوم تطلع لي ذاك الخاروف الكامل وابتسم واقول طيب بطبخه كله ؟ تقول اي !

واطلعه برا بالحوش وانظف وافرك فيه ساعة لين نظف .. واقوم بسلامتي اقطع منه الأجزاء الغير مطلوبه بنظري يعني مالها داعي ابدا (الراس والثربة "الذنب") << اتخيل البدويات يقولون يا لهوي الحين

المهم بعد ما انطبخ حوالي ساعة (لاحد يسأل كيف حطيته بالقدر وربطته معجزة والله اني عرفت لحالي)

وتنزل بنت اخته المطبخ وتفتح القدر اللي بالحوش وتجيني تقولي مرت خالي هذا وشو اللي بالقدر ؟ تيس ؟؟

قلت لها لااا هذا خاروف !! قالت خاروف ؟ اجل وين الثربة ؟ قلتلها شو يعني ثربة ؟

قالت الذيل وينه ؟ قلتلها بالكيس مع الراس بقطهم بالزباله ... وتقوم تضرب على راسها وتولول وكأنها فقدت عزيز وتقول يا ويحي .. عسى ما عندنا رجاجيل وعرب !! طبعا بعد البكاء والنياح عرفت انه عيب جدا جدا جدا جدا عند البدو تقديم الذبيحة بدون الثربة (الذيل) والراس !

واشيل الراس والذيل من الكيس واطبخهم لحالهم وقلت لها انا بصلح الوضع ما عليك !

ونطبخ الراس لحاله طبعا .. والذيل نظفته وحطيته مع الذيبحة وخلص الرز على خير

وحطيت الذبيحة فوق الرز وحطيت كمية من الرز مكان الثربة وحطيت الثربة اللي صايرة مثل الجلي عليها وضغطت عليها علشان ما تبين انها مقصوصه

ورحت لزوجي قلتله بما انك الضيف استر علي وسو نفسك انك قطعت الثربة تراني قصيتها وكنت بقطها حفاظا على الكلسترول عندكم !

طبعا زوحي حبيب قلبي بدل لا يستر علي مات ضحك وما خلا حد من العايلة ما قاله (الرجاجيل الباقين ما دروا بالسالفة) بس ابشركم الحين الكل يدري انه مرت فلان تطبخ الذبيحة بدون ثربة

اوف احس اني طولت بالقصة بس لازم كنت اذكرهابمناسبة الوصفة اعلاه

حياك الله غاليتي بكر الشايب ...الله يسعدك أحس أني بموت من الضحك ...

بس تبغين الصدق ؛ أنت ست بيت كذا

؛ لسه عروسة وطابخة ذبيحة وبيت أهل زوجك بعد

ماشاء الله تبارك الله عليك ...وأشعر أنه صار طعمها لذيذ مرة ؛ أحس أنه لك نفس بالطبخ الله يحفظك

أسأل الله العلي العظيم أن يرزقك الذرية الصالحة التقية النقية ويجعلهم ربي قرة عين لكما ..

مرورك العطر أسعدني جداً ..ودمت بحفظ الله وتوفيقه ...

__________________
إِيَّاكَ نَعْبُدُ وَإِيَّاكَ نَسْتَعِينُ

=====================