عزوبي بس رجل

معلومة جديدة الفرق بين المتين والسمين

إذن هو سمين وليس متين على حسب كلامك اخي

هو سمين وزنه زائد بشكل ملفت وله كرش

وانا اتقبل يكون ضعييييييييف جلده وعظمه

لكن ما اتقبل المتين أقصد السمين

المشكلة انه متدين وانا هذا ما اتمناه ان يكون صالح متدين

واخاف ارفض وربي يحاسبني

لكن مو قادرة اتقبل شكله

واخاف اذا وافقت اظلمه بعد الزواج وما اعطيه حقه

بسبب نفوري منه

والله اني بكيت امس جدام امي

لاني تعبت والله تعبت

الكل تزوج من اهلي وصديقاتي ماشاء الله ناس تيسر امورهم من اول مرة

وانا قلت هالمرة خلاص ان شاء الله تتيسر اموري

وكل مرة اكون خايفة اني يروح وما اعجبه

وحصلت معي كم مرة

يروح الخاطب بعد ما يشوفني وتتأثر نفسيتي

لكن الحين اقول الرفض يكون منهم اهون من انه يكون مني

مشكلتي اني حساسة حيل

مثل ما انا اتأثر إذا احد رفضني

ما ابي احط احد بهالموقف

لكن الرجل اهون بكثير من البنت إذا انرفضت

لأنه يقدر يدور على غيرها أما البنت تظل تنتظر احد يتقدم

حتى دعيت ربي امس انهم يرفضون

لكن المشكلة دقوا علينا بعد اقل من ساعتين من قدومهم يسألون عن رأيي

__________________
يارب افرجها