المشاركة الأصلية كتبت بواسطة fatoushi

مساء الخيرات

انا لى رأى ارجو انه يكون صائب

الاول فعلا الولد مش قصده يضرب امه وانتى ما تاخديهاش بالطريقه دى
و4 ايام كافيه جدا بس فيه طرق لحل الازمه دى

الاول تندهيه وتخليه يقعد قدامك وابدأى انتى الكلام وعيونك بعيونه وما تخليهوش ينشغل عنك بأى شىء وانتوا الاتنين تكونوا قاعدين او واقفين يعنى فى نفس المستوى
تحضرى سيناريو الحوار فى دماغك قبل ما تتكلمى معاه
هتقولى له اولا انت عارف انا مش بكلمك ليه ؟ انا مش بكلمك لانك تعاملت معايا على انى زميلك فى المدرسه وبتتخانق معاه وانا ما اقبلش ابدا ان طريقتك فى التعامل معايا تكون بالطريقه دى وده شىء مرفوض- ما تنتظريش منه اى اجابه وكملى كلامك ولو حب يقاطعك سكتيه قولى له انا ما خلصتش كلامى -\
انت راجل وللا عيل ؟ لو راجل الراجل اللى مش محترم بس والضعيف هو اللى بيتعامل بأيديه....ولو عيل يبقى انا ما عرفتش اربيك كويس عشان تتعامل معايا بأحترام
انا اتعاملت معاك المره دى فى 4 ايام خصام وقلت افهمك غلطك .......اصلا انا مش هسمح لك انك تكرر ده تانى ولو حصل واتكرر رد فعلى فعلا هيكون عنيف جدا جدا .......ما تخلينيش اقلل احترامى لك واحترامك لنفسك قدام نفسك
انا لى كل السلطات فى تربيتك وانت اللى بتدفعنى لانى امد ايدى عليك

وانهى الحديث بسرعه وقولى له اتمنى تكون فهمت .......واللى حصل ده ما يتكرر تانى ابدا

اتفضل قوم شوف وراك أيه
واصرفيه

تعاملى عادى بس خليكى يعنى ناشفه شويه معاه كام يوم وبعدها خلاص

بصى دى مرحله وهتعدى هو دلوقت بيحاول يختبرك ويعرف اخرك واخر طاقتك وفلسفتك واسلوبك معاه هيكونوا ازاى لان ده المنهج اللى هيتعامل بيه معاكى باقى عمره
لازم تكون فيه خطوط حمرا ما يعديهاش ابدا ابدا
ابنك لازم يصلى ويصوم لانه خلاص فى سن لازم يلتزم فيه وصدقينى هو هيقاوم تعليماتك فى الاول بس اصبرى وهتجنى احلى ثمره بإذن الله
ربنا يهديه لك