لا اوافق تكلمين اهلك عن المصروف مالهم علاقة بمصروفك وطريقة صرف زوجك عليك

حتى لو جاني خالي وقالي البنت تشتكي من انك ما تعطيها وتحاسبها عليها برد عليه انه بيتي والمصروف مني انا لها واتفاهم معاها على مصروفنا مثل ما نبي بيننا

اختي الافضل تطلبين مصروف شهري لك بجيبك وخلاص

انا اعطي زوجتي مصروووف شهري وكيفها تشتري اللي تبي وتجمع قد ما تبي

احياننا يخلص مصروفها قبل الشهر ب 10 ايام

والشهر اللي عقبه توفر منه 300 واللي عقبه تجمعه مع حق الشهر الثاني وتشتري شئ غالي

بكيفها ماهمني

اهم شئ مصروفها يوصلها ولا تطلبيني شئ

باقي الراتب مصروف لي + تسديد القرض + مصروف البيت + حساب التوفير له الفائض

وبعدين انتي زوجك يكلمك عن اوضاعه المادية

يمكن الرجال في وضع مادي متدهور والواحد لما يكون بوضع مادي متدهور يدقق حتى على طلبات البقالة ليه 24 ريال ؟

انا مره مابقى من الراتب الا 300 ريال وعسى تمشيني لآخر الشهر وطلبت طلبات حذفت نصها موب لازم

واذا عليكم أجار المصيبة اعظم

حاولي تكلمينه عن الاوضاع الماديه وش اللي مسبب له الضيقه

وطبيعي ما يحاسب اهله على اللي يصرفه لهم لكنه بينه وبين نفسه يتضايق ويخصمها من الميزانيه بس يداري اخته

اجلسوا جلسة مصارحه وقولي له اذا انت تنزعج من الصرفيات حدد لي مبلغ كل شهر يكون لي ولا عليك مني لو يخلص اول 5 ايام ابد راضيه لا تشتري لي شئ.