عمري 30 سنه ومؤهلي العلمي على قدي مو ذاك الزود
وتقدم لي قبل فتره واحد متزوج ومطلق وعنده ولد
واستخرت وعجزت اميل له وربي كارهته كره فضيع ماكنت انام الليل اذا تذكرته
وكان اخوي الكبير يحاول فيني بكل الطرق يبغاني اتزوجه
ورفضت وساعدتني امي واخوي اللي اصغر من الكبير كان رافض بالمره
وقالي انه فيه قل صح واجلس طول عمري عانس افضل من اني اتزوجه وماصدقته
لأن اخوي الكبير يقول غير الكلام يقول لاتاخذين رايه تراه جاهل ومايعرف بالمراجل
وانتي اختي وكأنك بنتي ولو ماشوفه يناسبك ماقلتلك تزوجيه
المهم الحمدلله تم الرفض والرجال راح بحاله وخطب من كل بيت وكلهم يرفضونه
واكتشفنا انه مطلق مرتين وعنده عيال ومريض طبعاً هذا كله من الناس عرفت امي ماهو من اخوي
المهم عقب فتره جلست مع بنت اخوي الكبير
وقالت لي بأن ابوي يقول خطبك واحد مهبول مره وموب صاحي
وماعلمك يبغاك تاخذينه يقول بأن محد بيتزوجك لانك كبرتي
عشان كذا خبى عليك وماعلم احد غيرنا أنا وامي واخواتي
يالله سكين وخناجر بشراييني من هول الصدمه
أخو يانااااااااااااااااااااااااااس يغش أخته؟
ولد أمي وأبوي يرميني بيديه للهلاك؟
ليييييييييييييييييييييييييييييييييييييييش؟
وش الذنب اللي ارتكبته بدنياي عشان يبيعوني
يفتخر عند زوجته وبناته اني صرت عانس ومحد يبغاني خلاص!
الله يوريني فيه يوم جعلي ماموت الا اشوف فيه اليوم اللي كان ناويه فيني
المشكله انا عند امي وابوي ماني عنده والحمدلله عمره ماحط بيدي ريال ابوي مو مقصر علي الله يطول بعمره
والحمدلله بفضل ربي ماني شينه والا فيني عيوب تستاهل انه يفكر يرميني رمية ...
وكانوا الخطاب كثار يجوني ومن ضمنهم عيال عمي وكان يرفضهم هو وامي بدون شوري
ولمن كبرت يبغون يرموني لمريض ومهبول؟؟!!
يالله اقسم بالله اكتب لكم ودموعي جفت من البكاء مو مصدقه لهدرجه انا صرت عاله على المجتمع!!
يعني خلاص ماعاد لي اهميه بالحياة
وربي اتمنى اموت وارتاح واريحهم مني
تكفون ادعولي ان الله يوفقني ويرزقني ويغنيني عن الناس
احس اني صرت استحي اطلع وادخل نظرات الناس لي اني عانس وللحين ماتزوجت تذبحني
انعزلت عن العالم حتى عن اخواني ماحب اجلس معهم ومع زوجاتهم صار الكل يشفق لحالي
صرت انفجع من كلمة عانس واي شي يبكيني ماعدت زي اول احس اني بدون هدف الموت ارحم لي
كل بنات العائله بسني تزوجوا وخلفوا وانا للحين حتى ماعاد يجيني خطاب كأني مو موجوده بالحياة
فعلة اخوي بي خلتني ايأس من الدنياء خلتني اشوفها سوداء والبياض انقشع منها
احس ان درب الضياع هو دربي
اذا الاخو ماعاد ينوثق فيه أجل بمين الثقه؟