انا بعد و اعتقد كل زوجة او زوج يحب الطرف الثاني بيكون عنده هذا الخوف
لكن انا المشكلة عندي من و انا صغيرة دوم اخاف احد والديني يفارقني لدرجة اني قبل ما انام لازم اروح اتطمن انهم موجودين بغرفتهم و بعدين اروح انام و مو بس جذيه الا من اتخيل الفراق اصير ابكب بشدة بيني و بين نفسي ليشنه والدة امي ووالدة ابوي توفوا صغار الله يرحمهم
بس بالنسبة لزوجي و حتى اعيالي اروح اتاكد وقت اللي هم نايمين انه في نبض و يتنفسون او لا ( اكيد بتقولون عني وسواسية) بس هذي تصرفات ما اقدر اوقف نفسي عنها
بس تدرين اختي؟ بعد ما توفى زوج اختي و شفت اشلون التجربة و قمت افكر بالموت مو بس للي احبهم حتى لنفسي صرت ادعوا ربي بانه يجمعني معاهم في الجنة و انه الموت حق و مو شي يخوف و اكثر منجذيه امر المقبرة اقرأ الفاتحة اللحين بصراحة خف الاحساس بالخوف من فقدان اي عزيز مو لاني صرت ما اخاف عليهم بس انه هذي الدنيا ايام قليلة و انشالله بنجتمع مع بعض في الجنة و ما بنفترق اللهم امين

__________________