المشاركة الأصلية كتبت بواسطة fatoushi
حبيبتى انتى والله بمشكله عويصه
لن الومك ولن اقسو عليك......فقلبك قد احب رغما عنك ......احب لانك كنت هشه وضعيفه ومحتاجه لمن يحمل عنك ويشعرك بالاحتواء ........أحب لانك كنت تريدين من يضع يده على كتفك ويواسيك
زاد حبك حينما علمتى انه يقف لك بالمرصاد لعدم الطلاق من اخيه وجن جنونك حين اكتشفت انه يحبك انت ورغم ذلك كان يجاهد نفسه
كل هذه مشاعر داخلك وتقد مضجعك وتذهب بعقلك لدرجة الجنون.........
اقدر المك والله انى لاقدره واعلم ما تكابدين ........ وارى احلامك وامنياتك واقعا امامى واعرف عذابك
ولكن
لو انك ارمله لقلت لك تزوجيه فورا
ولو انه ليس اخو زوجك لقلت لك خير لك ان تتركى حياتك افضل من العيش فى هذا الجنون
ولكنه عم اولادك.........ز
تتطلقى وبعدين؟؟؟؟؟؟؟؟؟؟
مش هينفع ترتبطوا ببعض
مش هينفع تتجوزوا
الدين مش بيحرم..........يعنى ينفع اخو جوزك يتجوزك لو اتطلقتى من اخوه
بس العرف والمجتمع بيمنع ده........وفيه حاجات فعلا ما ينفعش نقف قدامها
تخيلى لو الوضع بالعكس وجوزك بيحب اختك؟؟؟؟؟؟؟؟؟؟!!!!!!!!!!!
حب شريف عفيف جوه القلب بس واللسان ما نطقش بيه
واتطلقتى واتجوز اختك...........هتتحملى
اهلك هيوافقوا
انتى واختك علاقتكم هتبقى ازاى؟
مش هقولك اعقلى ولا الكلام ده لان واضح انك عاقله ومتدينه بس مشاعرك تعباكى
كام ست قلبها اتنفض لراجل غير جوزها؟وكام راجل قلبه حن لواحده غير مراته؟
اكيد كتير
بس فيه العاقل واللى بيخرب الدنيا
العاقل او العاقله بيعتبرها حاجه نسمه عدت رطبت الحياه الجافه المره او الصعبه ..........وبس حاجه جواه ماحدش يعلمها غيره هو حتى الطرف التانى ما بيدرى بيها..........بيبعد او تبعد.........وتفضل ذكرى تخليه يبتسم كل ما يفتكرها وبس
حلم جميل وخلاص كأنك نايمه وزعلانه وربنا وراكى حلم وردى وخلاص لازم تصحى وكل ما هتتضايقى هتروحى للحته دى بينك وبين نفسك وبس وتمر الحياه وتبرد المشاعر دى وتبقى حاجات بعيده
حاجات مرت زى ايام المدرسه
حاجات زى اغانى الحب بتاعه عبد الحليم اللى لما تسمعيها تسرحى فيها شويه وخلاص
ما ينفعش تتجوزى عبد الحليم ولا تعيشى قصه الحب دى معاه
والمجنون او المجنونه بيهدوا البيت ويجروا ورا سراب .........ولما بيوصلوا بيلاقوا انهم فقدوا كل حاجه عشان ولا حاجه
يضربوا روحهم انا اسفه بالجزمه ومش هيلاقوا اى حاجه .......أصله سراب
انتى فاهمانى وللا لاء؟
العاقل او العاقله بيقطع العلاقه دى بيفطم نفسه عنها
بيقطع العضو المجروح بيتخلص منه لانه لو فضل هيسمم باقى الجسم.......حبك هيسمم جسمك وعقلك وروحك وعيشتك كلها
ابعدى ابعدى قد ما تقدرى اهربى من الشخص
اقفلى بابك عليكى صومى عن البشر
صعب انا عارفه انه صعب
بس تعالى على روحك ............
والله لو اتطلقتى ما هينفع تتجوزيه صدقينى
انا اختك .........صدقينى
لما قلب انسانه واحده بس يتوجع ويموت احسن من لما قلوب وارواح كتيره تموت بلا ذنب ارواح وقلوب اهله واهلك وجوزك وعيالك
ما ينفعش تضحى بمجموعه عشان فرد
وللا أيه؟
ادعى ربك يشفى قلبك ويعجل بشفاكى من الحب ده
اعتبرى اخو جوزك دكتور كان بيعالج جوزك او طبيبك النفسى مثلا اللى وقف جنبك وساعدك
انتى عارفه ان من اخلاقيات مهنخ الطبيب والمدرس وكل المهن اللى لها احتكاك مباشر مع اطراف اخرى وبتكون بتساعدهم انه لايجوز اقامه اى علاقه من اى نوع مع المريض او اهله والا يفصل من مهنته.....
اعتبريه طبيب قام بدوره وبس
ربنا معاكى ويساعدك
|