معلش على المداخله مره تانيه
واو عطف
هو احنا كمسلمين خلاص خلصنا كل المسائل الشرعيه وقمنا بواجباتنا الدينيه على اكمل وجه وماشاء الله علينا وافيين ومكفيين ما بقى لنا الا التعدد اخر نقطه فى بحر الاسلام عشان نبقى شربناه كله؟
وكمان مش باقى فى الاقتداء بالرسول عليه الصلاه والسلام اى حاجه الا حب النساء يعنى بقينا بنعمل كل حاجه زى الرسول عليه الصلاه والسلام وبرضه فاضل لنا عشان نكمل التشبه بيه حب النساء؟
انا مش ضد التعدد لانه طوفان وجاى على الكل وما ينفعش نقف فى وشه فالاحسن نطاطى له ونصاحبه احسن ما ياكلنا
التعدد مش فرض ولو هو مهم اوى كده كمان حق الزوجه لو ده ضاررها انها تتطلق يعنى لاضرر ولا ضرار
يعنى الراجل اللى حقه يعدد لانه حلال مش من حقه يجبرنى على عيشه انا رافضاها
ثم من امتى والرجاله بتدور على حلول مجتمعيه للدرجه دى وصعبان عليهم اوى المطلقات والارامل والعوانس؟
واو عطف اللى عاوز يعدد يعدد بس يبقى صريح وبلاش يتمسح فى الدين والرسول والشرع ،لانه بصراحه لو القصه كده الدين فيه حاجات اولى والمجتمع مش ماشاء الله عليه مكتمل اوى وكامل واتحلت كل مشاكله الا مشاكل العنوسه
حاجه اخيره بقى اللى عاوز يعدد يتحمل واللى يحب الدح بالمصرى ما يقولش................
خد حقك وعدد واخد حقى واختار اكمل او لاء
بس