يمكن ضغوط دراسة ويمكن لسة مش داخل بجو الزواج منيح
اصبري بدها الشغلة وقت ليتم الانسجام
بس اهم شي بنظري اجلي الحمل شوي عشان تشوفي هادا حال مؤقت عشان بداية الزواج ولا هوة هيك !
كمان
من رايي
ولو انو اقتراح صعب
بس ولاكانك شفتي المحادثة
واغصبيه يغير هالفكرة
اكيد مابكرهك مستحيل
بس يمكن قرفان وزهقان من المشاكل
انت كوني هادية
لبي طلباته
كل متيجي تتخانقه استغفري الله حتهدي بسرعة الريح
يعني كوني احسن مايكون
عشان غصب عنو يغير هالفكرة وانو انت صاحبة مشاكل وهالحكي
الشغلة بدها ذكاء وضغط عحالك شوي لتنسي هالكلام الفظيع
يمكن ....... او مش يمكن الاكيد انا لو مكانك كان قلبتها فوق تحت ماكنت حقدر اتحمل
انو يحكيها ومع اخته يعني كنت حنجلط
لكن انا بقول نصيحة يمكن تقدري تكوني احسن مني وتملكي اعصابك وتطبقيها
وتذكري جزاء كاظم الغيط عند الله
وهوة انك تكوني مقهورة وزعلانة قادرة تعصبي وقادرة تازيه
لكن تمسكي حالك عشان ترضي الله
هادا جزاؤه جدا كبير
جربي وحاولي
وبلاش حمل هلأ او شوفي هوة شو بدو
بس هوة مضغوط من الدراسة مو ناقصه ضغط جديد وانت نفس الشي
ولانو الحمل حيعملك عصبية ووحام وازا لسة مش متفهمك ولا متفهم الزواج منيح حيكون هاي فرصة مشاكل زيادة
رتبي امورك انت واياه واستقرو وانسجمو وكملو دراستكو وشوفو امر الحمل والولادة
بسسسسس لو هوة حابب بشدة
استخيري الله واحملي
لانو في كتير رجال بتغيرو لما نسوانهم يحملو ويجيبو بيبي بكونو نفسهم كتير بالامر هادا
الله يوفقك ان شاءالله