تابع
مرت سنة
وخلال هذه السنه
أكثر من مرة قابلت المرأة
تقطع قلبي عليها
ونسيت ماقالته عني
أشتد عليها المرض
وكنت أروح مع أمي أزورها في المستشفى
نظراتها كانت أسف
وأنا كل ماأطلع منها أنهار في السيارة وأبكي
وأهلي عارفين أن نفسيتي تعبانه
لأني حملت نفسي اللوم
أنا اللي دعيت عليها
كله مني
كل هذا يصير عشان الدنيا
وأمور الدنيا
ماتسوى
ياليتني دعيت لها بالهدايه
خلال هذه السنه
كانت تعاني
وأنا أعاني معها
كل ماأسمع عنها جديد
أركض لغرفتي وأحبس نفسي
وأبكي وأدعي لها
كل ماأشوف أطفالها الصغار يتقطع قلبي
لا حول ولاقوة إلا بالله
أنا لله وأنا إليه راجعون
وبيوم راجعه من الجامعه
وصلتني رسالة على الجوال
كانت من أخوي
(رمووووشه أتصل علي واحد يخطبك مني ويبي موعد مع الوالد تتوقعي مين؟!!)
حسيت بغثيان وصداع فظيع
كنت أشرب عصير مع البنات في الباص
طاح العصير مني
سألت نفسي
وش فيك يارمش
ليش كل ماأحد يخطبك يصير معك كذا!!
طيب أنا أبي الزواج
ودايم أدعي بالزوج الصالح
ليش طيب كذا!!
تذكرت اللي يجيني وقت النوم
آآآآآآه أكيد بيجي اليوم مادام الموضوع فيه عريس
وطول الطريق أفكر ياترى مين
هذا أكيد من المقربين لأخوي وإلا ماكان أتصل عليه قبل يتصل على الوالد
كل واحد نعرفه مر في بالي
وكل مايجي أحد في بالي يزيد الغثيان معي
أووووووف كيف أصبر إلين يرجع أخوي من الدوام
فكرت أسأله مين
وأستحييييييييت
يتبع