ربنا يعينك يا ابو مريم والله كلامك فيه منطق
طاب هو مش ممكن تعدد عشان كده وبس انا حر انا بحب الستات وعاوز اكتر من ست.
حكايه ان الستات بتهمل وتتخن طاب ما التانيه هتعمل نفس الشىء ايه الجديد او اللى هيمنعهايبقى التانيه هتيجى بعدها تالته ورابعه
كون التانيه هتبقى اقل تكلفه ماديا وعاوزه راجل وبس كلنا كستات عاوزين راجل وبس وراجل دى معناها راجل حقيقى نفسيا وانسانيا وعاطفيا وماديا وجنسيا
الراجل الفقران من غير زعل عمره ماهيقدر والرجوله قدره من وجهة نظرى فى جميع النقاط وتوازن كمان
كون الست الاولى تقول اتطلق حقها يا اخى والله ربنا حلل لها تطلق للضرر والمحكاكم الشرعيه نفسها بتحكم بده .....وحقك تعدد
تاخد حريتك انت حر طبعا والست لو اختارت حريتها هى كمان حره الشرع كفل الاتنين
كونها أثمه حرام يا ابو مريم عليك والله هتأثمنا ليه بس
ماهو احنا كمان نقول عالمعدد اثم لانه رفض نعمه ربنا عليه اللى هى الزوجه الغير مقصره مثلا
لما بترد عليك عف شاب وشابه ........... مراتك ست ماشاء الله عليها حاضرة الذهن
لما تتكلم انت بقى فى الارامل والمطلقات الكلام ده بجد بيجنن الستات انت مش مصلح اجتماعى مالك انت خليك اصلح بيتك
ابو مريم
لو جوز مريم اتجوز عليها وجاتك بنتك تشكى ومقهوره وهو اتجوزها بكر وشابه وشاركته عمره وبعد كام سنه قال لك عاوز اتجوز على بنتك هتحس بأيه ؟
بنتك يا ابو مريم بنتك!!!!!!!!!!!!
وحق جلال الله لتتخيل الموقف وتقول احساسك بجد
انا مش ضد التعدد بس ضد الراجل اللى عاوز يقول لمراته هتجوز تقوله طاب هتحجز فى انهى فندق انت والعروسه ؟
يعنى حرام انه يتخيل ان الموال سهل
وبرضه ضد الراجل اللى بيعمل ده فى السر او يرفض طلاق المتضرره .........
التعدد قدره يا ابو مريم من جميع النواحى
احتوى الاولى تبقى قادر
احتوى الموقف برجوله تبقى قادر
وسع عالاولى وهاديها وراضيها واقنعها تبقى قادر
حسسها انها هى وبس تبقى قادر
ماتخليش الاولى على ذمتك وهى كارهه تبقى قادر
قول حقى تبقى قادر