السلام عليكم ورحمه الله وبركاته ...


اخباركم بنات طمنونا عنكم ... ان شاء الله تكونو بألف صحه وعافيه ...


اختي فلافل ... ربي يرزقك بالذريه .. وتبشرينا بحملك هالشهر ...


اختي ام وليد ... معك حق تزعلي لكن هاذا قدر مكتوب من الله ... ولا تيأيسي...


اختي الزرافه يارب تكوني حامل


بنت مكه ... تسلمين والله ... ربي يسعدك ...


دودي أخبارك طمنينا عنك !!!


اختي مسلمه ... ربي يتمم لك بخير ...


مرميس حبيبتي ... ربي يصبرك ويعوضك باللي يميلي عليم حياتك ان شاء الله...


حلوووومه ... اخبارك طمنينا عنك يالغاليه ...


اختي جناح الرحمه ... شيلي هالافكار السوده من بالك ... ودائما ادعي ربي انه يتمم


لك بخير ... ويثبته ان شاء الله ...لاتوسوسي كثير ...


كريستالا ... اخبارك ان شاء الله بخير


زهور الدعاء ....حياك الله يالغاليه ...



اما عن اخباري ...



تذكرون يابنات لما قلت لكم اني متفائله خير هالشهر ؟؟ من زود اللقافه فيني رحت



اشتريت جهاز اختبار حمل منزلي ... وطلع لي خط غامق وخط فاتح ... طرت من الفرحه



وريته زوجي وفرح كثيير .. وقلت بعد يومين اذا تأخرت الدوره بروح احلل دم ...


وكنت متأمله اني حامل ...


لكن قبل يوم من موعد الدوره نزل مني دم بني .. وبعد ساعتين احمر ...


يابنات ما اقول لكم كيف كانت نفسيتي ... تحطمت ... بكيت كثير وبكيت بحرقه قلب ...


كنت ببيت اهلي ... لكن مو كأني معاهم ... اللي جا ببالي التحليل والخطين ...


دقيت على زوجي وقلت له هو طيب خاطري لكني حسيته زعلان...


لأني لما رحت الشقه سألني متأكده انها الدوره ؟؟


ظليت يومين ونفسيتي زفت عصبيه كثير ما اتحمل كلام احد ابدا ... واللي زاد الطين بله


انه اختي اللي تزوجت بعدي حامل ... ربي يتمم لها بخير ... انا ما احسدها لكني تحسرت


على نفسي .. واللي قهرني نظرات اهلي لي لما قالت انها حامل ...


لكن بعدها عقلت ... ووكلت أمري لله ... لو ربي اراد اني احمل راح احمل من دون تخطيط


مني ابدا ...


والحين انا استنى الدوره وباقي لها يومين ولكني مو حاطه ببالي الحمل ابدا ...


ربي يرزقني ويرزق كل محرومه بالذريه الصالحه السليمه التامه المعافاه ...


استغفر الله اللذي لا اله الا هو الحي القيوم واتوب اليه ...

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "