الله يعطيكي العافية ويقدرك على المعروف ... صدقيني بتحصل معي اشياء غريبة يمكن محد هون يصدقها .. لما كنت بقرأ المشاركة اللي كتبتيها أول مرة حسيت ان هاد اللي رح يصير معاكي طليقك رح يمرض وانت رح تحمليه .. يمكن كتبتلك هاد الشي في مداخلتي بس ما قلتلك عن احساسي علشان ما حد يعلق علي .. صدقيني مش ذكاء ولا استنتاج .. بس ساعات بحس بناس غريبة عني وبيكون الاحساس دقيق .. مش عارفة كيف بتصير معي هالشغلة !

المهم أنا حاسة بيكي وعارفة معنى ان الواحدة تفقد الاب .. وبحيي فيكي احساسك بطليقك على اساس ان اولاده ما ينحرمو منه .. بس اعملي اللي ربنا يقدرك عليه معاه ومن غير ما ترجعيله .. واللي قدرك على اللي فات قادر يعطيك القوة وتوقفي معاه في الجاي .. ولا حول ولا قوة الا بالله

انا عارفة انك هلأ بوضع نفسي وعاطفي صعب .. بس بدي انبهك لشغلة يمكن تحسيها مادية .. بس كتير ضرورية .. لو في امكانية تطلعي منه على وضعه المادي وبالتفصيل (حتى بعد ما مراته خدت اللي وراه واللي قدامه) .. لأن انتم مقبلين على مستشفيات ودكاترة ولا سمح الله لو حصل وفاة لازم تفهمي شو الوضع لأولادك ؟؟ .. اكيد انتم عايشين في وضع مادي معين لازم تعرفي التطورات هادي شو رح تنعكس على اوضاعكم خصوصا الاولاد لسة مقبلين على مدارس وجامعات وحياة... ضروري تخططي لحياتك بعدم وجوده وتأثير هالوضع على اولادك.

معلش تحمليني انا عارفة انه كلامي جاف ومش احتواء وطبطبة بس اللي متلي ومتلك عارفين انه اذا الست ما وقفت بهيك موقف وصلبت طولها وحضنت اولادها ومصالحهم رح يضيعو لا سمح الله.

بدعيلك من كل قلبي ، ربنا يهديكي ويعينك ويشرح صدرك .. سامع قريب مجيب الدعاء.