السلام عليكم ورحمة الله وبركاته
يا اخواتي واخواني الحقوني احس اني فعلا ابغى اموت زوجي يكلم بنات من ورائي بالتلفون والمسنجر والبالتوك........... واذا انا خرجت يفرح مره علشان ياخذ راحته والله ما كنت اشك فيه الا يوم شفته بعيني يكلم بالتلفون وهو في سيارته وهو قال لي انه بروح الجامعه وهو ماراح جالس بالسياره يكلم......... ومره خرجت ورجعت بدون مايدري ولقيته كمان يكلم بالتلفون ........ومره كان هو جالس على الكمبيوتر وجيت عنده كنت ابغى اعطيه شاهي وكان يشيك على الايميلات وشفت بعيوني وحده كاتبه له وانا احبك بعد واموت فيك ويوم شافني اني شفتها راح يطلع لي اعذار وانا ما صدقته ومن يومها وهو خلاني اشك فيه وفعلا يوم بعد يوم اتاكد لي بانه يخونني والله اني تعبانه مره مره واحس ا ني بموت لاني ما كنت اتوقع منه هذا كله واذا سالته ليه البنات اللي عندك في القائمه يقول صداقه اي صداقه هذي اللي بين بنت ولد........... انا ابغى رايكم وش اسوي هل اتركه وارجع الى ديرتي ولا ابقى معه وهو ما يستاهل ابدا التضحية علشانه ..........والله ثم والله اني احس باني اموت في اليوم مليون مره ودائما الدمعه على خدي حتى احس انه صار يحب يخرج كل يوم ويتركني لوحدي وانا في امس الحاجه له والله اني ادعي ربي ليل نهار انه يهديه ويبعده عن طريق البنات والله يعين

اختكم أم رفا