كان الله فى عونك

بصى حبيبتى انا مش هقولك انتى رضيتى بالسر ولا كل الكلام ده لسبب انك بالسر بالنسبه لاهله هو ودى مشكلته مش مشكلتك انتى اتجوزتى جواز شرعى سليم
قدام اهلك والجيران عارفه بالمكان اللى انتوا ساكنين بيه ان فلان جوزك وعندك منه بنات........
الغلطه عنده مش عندك صدقينى

وعندى تعقيب بس على كل الردود اللى قبلى هل المفروض الزوجه التانيه تشترط على الزوج انه يعلم الاولى ؟
أو انه يعلم أهله ؟
دى مش مشاكلها اكيد ........

نرجع لك انتى ، هل هو مستمر فى الصرف عليكى وعلى اولاده منك؟
لو مستمر فى الصرف هقولك اصبرى لفتره تحدديها انتى فى راسك بينك وبين نفسك
على الاقل انتى دلوقتى فى امان مادى ، انا عارفه انك فاقده الامان المعنوى بس على الاقل لحد ما تشدى حيلك وتقومى من ولادتك بالسلامه اكتفى بالامان المادى

وبالنسبه للامان المعنوى وانه يرجع يديلك حقوقك
والله انا لى تفكير مش عارفه اذا كان يفيدك وللا لاء........
انتى طنشيه خااااااااااااااالص وكأنك منفصله عنه ولا تبعتى له الا على المصروف بس ..... انسيه لفتره كده وشوفى بيتك ونفسك وبنتك وحطى همك فيهم .........والله لو حن ورجع لك يبقى الحمد لله لو مارجعش اعملى صلاه استخاره وارفعى طلاق للضرر لانه معلقك .........
كل ده فى حاله انه بيصرف وماديا مش مقصر

انما لو ما بيصرفش كمان انا اسفه مش هيبقى موت وخراب ديار برضه استنى لحد ما تولدى وتصلبى عودك وارفعى دعوى طلاق
طول ما انتى مش متجوزه ما يقدرش ياخد منك عيالك لو وقف على شعر راسه
وغصب عنه هيصرف عليهم لان ده شرع ربنا
وهتاخدى حقوقك كامله .......مؤخرك ونفقه متعه وسكن واجر حضانه ونفقه الولاد ونفقه العده كمان
ما تخلعيهوش لانك هتخسرى كل شىء ،
انتى كده كده بتخسرى فعلى الاقل قلصى خسايرك

انتى ما غلطتيش صدقينى هو اللى ربنا يسامحه على ظلمه ليكى