والله يا اخت ماى ماى انا ما عندى مانع تكون الزوجه للزوج محترفه جنس وجاريه

ولكن لاكون كذلك فعليه ان يعلم معنى السيد وكيف يكون
محترفه الجنس والجاريه لا تطبخ ولا تنجب ولا تشيل الهموم ولا يكون لها الا البشاشه والوناسه والدلع
والجوارى اقسام منهم للخدمه ومنهم للمتعه ومنطقيا اللى هو عاوزها محترفه فى الفراش تبقى جاريه متعه
مافيش مشكله ولو دى نظره الرجاله او بعضهم لنا برضه مافيش مشكله خاااااااااااااااااالص
عمرك شفتى جاريه من بتوع هارون الرشيد بتدخل المطبخ وللا الامير او الملك او السيد او مالكها بيشكى لها همه وانه مش قادر يصرف او عنده ازمه، بتسكن فى احسن بيت وبتبقى عارفه دورها وبتبدع فيه .....وده دورها اما اختلاط الادوار وبعدها ابقى انثى كامله طاب ازاى!!!!!!!!!!
بصى فى الكتب القديمه هتلاقيها ليل نهار الجاريه دى
بتلاقى اللى يحميها يروشها يعنى ويسرح شعرها وييجوا لها بياعين العطور والاقمشه والمدلكات والبلانات وتتعلم موسيقى وغنج ودلع وبس وبس وبس
انما ابقى محترفه جنس وجاريه واطبخ وامسح واكنس واخلف واشيل هم وبوز ماله حل ...........ما ينفعش يا ماى ماينفعش

الانوثه عشان نرجع لموضوعنا هى :
ان اتحمل نصيبى فقط من الحياه اما ان الزم بحمل اعباء الرجال فقد تحولت لنصف امرأه ونصف رجل وبالتبعيه فقد شريكى نصف رجولته
كن رجلا كاملا اكون لك انثى كامله
رجلا كاملا بمعنى:
- ان ترانى انثى ولا تقارننى بالاخريات
- ان توفر لى حسب الشرع من يقوم بخدمتى وان لم تملك ذلك فعليك الا تهيننى او تتذمر لانك المقصر وانا المحتمله وعليك ان ترى انه فضل منى ..... فالرسول عليه الصلاه والسلام كان يعلم ان سيدنا على لا يقدر على اجر خادم لابنته فاطمه واشتكت فاطمه من حجم الاعباء عليها فلم يجد لها الرسول الا التسبيح والحمد والتكبير حتى يهون الله عليها
ان الزوجه عند طلاقها تاخد اجر رضاعه واجر حضانه
لو كانوا من صميم اعمالها لما اخذت عنه اجر مادى
عليك ان ترى ما افعله وتشكرنى عليه او تقدره ولا يكون جزاؤه الاهانه
- عليك ان تقوم بكافه احتياجاتى العاديه مأكل وملبس وترفيه ومصروف يد وعيديه وهدايا فى حدود المعقول ولا تتعذر فكل على قدر استطاعته
- عليك الا تطالبنى بان اساعدك بعملى وراتبى
- عليك الا تطالبنى بتحمل ظروفك

اذا قمت بكل هذا فانت رجل حق
واكون مقصره ان لم اكن لك انثى بحق ،
وحين تقوم بواجبك كاملا ونرجو هنا الرجوع للشرع والقرأن وسيره الرسول عليه الصلاه والسلام
حينها يمكنك فقط ان تاخذ انت ايضا حقك بالشرع والدين كاملا ولن اعترض لانك كامل !!!!!!!!!
وللحديث بقيه